- Auglýsing -
- Auglýsing -
- Auglýsing -

Molakaffi: Dómarar hætta, Andersson, margar umsóknir, Kounkoud dæmdur

Mynd/Eyjólfur Garðarsson
- Auglýsing -
  • Þýsku dómararnir Sebastian Grobe og Adrian Kinzel hafa ákveðið að láta gott heita eftir að hafa gengið í gegnum súrt og sætt sem dómarapar í þýska handknattleiknum í 23 keppnistímabil. Úthald þeirra við dómgæsluna þykir gott.
  • Ekkert verður af því að sænski handknattleiksþjálfarinn Magnus Andersson taki við þjálfun franska liðsins PAUC eins og til stóð. Samningi milli félagsins og hans hefur verið rift. Uppi hefur verið orðrómur um skeið að Andersson taki við þjálfun Porto í Portúgal á nýjan leik. Hann þjálfaði Porto frá 2018 til 2023 með afbrags góðum árangri og er í miklum metum hjá félaginu. Carlos Resende tók við af Andersson en eftir titlalaust nýliðið tímabil eru stjórnendur Porto sagðir velta fyrir sér að skipta um þjálfara. 
  • Slóvenska handknattleiksliðið Celje Lasko auglýsti fyrir nokkru eftir þjálfara fyrir lið sitt í gegnum LindkedIn sem þykir harla óvenjuleg leið fyrir félög í þjálfaraleit. Alls bárust 120 umsóknir. Þegar búið var að flokka umsóknirnar og þótti varið í 20 umsóknir.  Af þeim hafa forráðamenn félagsins fækkað niður í þrjá sem þeir hafa rætt við síðustu daga. 
  • Celje Lasko er þekktasta handknattleikslið Slóveníu og margfaldur meistari og m.a. sigurlið Meistaradeildar Evrópu fyrir um tveimur áratugum. Liðið hefur ekki orðið meistari í heimalandinu tvö undangengin tímabil og þótti rétt að leita nýrra leiða við ráðningu á eftirmanni Alem Toskic sem sagt var upp störfum í lok tímabilsins í síðasta mánuði. 
  • Franski landsliðsmaðurinn í handknattleik, Benoît Kounkoud, hefur verið dæmdur til að greiða konu 4.100 evrur, jafnvirði um 610.000 kr. vegna tilraunar til nauðgunar á næturklúbbi í París í lok janúar þar sem leikmenn slettu úr klaufunum í kjölfar þess að hafa orðið Evrópumeistarar í handknattleik í Þýskalandi. Athygli vekur að Kounkoud er í æfingahópi franska landsliðsins vegna Ólympíuleikanna í sumar.
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -