- Auglýsing -
- Einar Bragi Aðalsteinsson skoraði fjögur mörk í sjö marka tapi IFK Kristianstad í viðureign við Malmö, 42:35, í gær. Um var að ræða aðra viðureign liðanna í úrslitum um sænska meistaratitilinn. Staðan er nú jöfn, hvort lið hefur einn vinning. Næst mætast liðin á þriðjudaginn í Kristianstad.
- Úlfar Páll Monsi Þórðarson var markahæstur leikmanna RK Alkaloid í stórsigri á HC Butel Skopje, 37:21, í síðasta heimaleik RK Alkaloid á leiktíðinni í úrvalsdeildinni í Norður–Makedóníu í gær. RK Alkaloid situr í fjórða sæti deildarinnar.
- Viktor Gísli Hallgrímsson og liðsfélagar í Barcelona unnu Bathco BM. Torrelavega, 36:24, á heimavelli í næst síðustu umferð spænsku 1. deildarinnar í handknattleik. Viktor Gísli var í marki Barcelona á lokakafla leiksins og varði 5 skot, 39%. Barcelona hefur unnið allar 29 viðureignir sínar í deildinni til þessa. Lokaumferð deildarinnar fer fram á sunnudaginn eftir viku. Barceona sækir Dicorpebal Logroño La Rioja heim í lokaumferðinni.
- Tjörvi Týr Gíslason skoraði fjögur mörk fyrir HC Oppenweiler/Backnang þegar liðið steinlá fyrir VfL Lübeck-Schwartau, 37:18. HC Oppenweiler/Backnang er fallið úr 2. deild. Liðið er með 2 stig eftir 32 leiki. Tvær umferðir eru eftir.
- Auglýsing -
