- Auglýsing -
- Einar Þorsteinn Ólafsson skoraði eitt mark, gaf eina stoðsendingu og varði tvö skot í vörninni þegar lið hans, HSV Hamburg, vann Stuttgart, 31:26, í þýsku 1. deildinni í handknattleik í gær. Leikið var í Sporthalle Hamburg. HSV Hamburg situr í 10. sæti af 18 liðum þegar fjórar umferðir eru eftir af deildarkeppninni.
- Sveinn Jóhannsson skoraði þrjú mörk úr fjórum skotum og var einu sinni vikið af leikvelli þegar lið hans, Chambéry, tapaði með 10 marka mun, 42:32, fyrir Nantes á útivelli í efstu deild franska handboltans í gær. Sveinn lék í 29 mínútur í leiknum.
- Chambéry er í fimmta sæti frönsku 1. deildarinnar. Nantes er í öðru sæti, aðeins tveimur stigum á eftir PSG sem trónir á toppnum þegar fjórar umferðir eru eftir óleiknar.
- Auglýsing -
