- Auglýsing -
- Auglýsing -
- Auglýsing -

Molakaffi: Elías, Alfreð, dregið fyrir ÓL, Darleux, vináttuleikur

Mynd/Hafliði Breiðfjörð
- Auglýsing -
  • Fredrikstad Bkl., liðið sem Elías Már Halldórsson þjálfar, tapaði fyrir Gjerpen, 32:26, á útivelli í 23. umferð í norsku úrvalsdeildinni í kvennaflokki í gær. Fredrikstad Bkl., situr í fjórða sæti deildarinnar þegar þrjár umferðir eru eftir með 31 stig, er stigi á eftir Sola sem er í þriðja sæti. Storhamar er í öðru sæti með 40 stig og Vipers hefur 44 stig að loknum 22 leikjum. Larvik er þremur stigum á eftir Fredrikstad Bkl., og á leik til góða. 
  • Þrátt fyrir að þýska karlalandsliðið hafi tekið þátt í Ólympíuleikunum í Tókýó fyrir nærri þremur árum þá hafa aðeins fimm af þeim 17 leikmönnum sem Alfreð Gíslason tefldi fram í forkeppni Ólympíuleikanna um og fyrir nýliðna helgi leikið á Ólympíuleikum. Þetta er gott dæmi um hversu mikil endurnýjun hefur orðið á landsliðinu á síðustu misserum. 
  • Dregið verður í riðla handknattleikskeppni Ólympíuleikanna í París hinn 16. apríl, tveimur dögum eftir að forkeppninni í kvennaflokki lýkur. Tólf landslið taka þátt í hvorri keppni. 
  • Cleopatre Darleux, markvörður franska liðsins Brest Betagne, lék með liði sínu í Meistaradeild Evrópu á laugardaginn gegn FTC. Það væri svo sem ekkert sérstaklega í frásögur færandi nema fyrir þær sakir að um var að ræða hennar fyrsta leik í Meistaradeildinni í 434 daga. Darleux, sem var landsliðsmarkvörður Frakklands um árabil, hlaut þungt höfuðhögg í kappleik í byrjun janúar á síðasta ári og er nýlega komin af stað aftur. Brest vann leikinn í Búdapest, 30:28, stendur vel að vígi fyrir síðari viðureignina við FTC á heimavelli um næstu helgi. Samanlagður sigurvegari tekur sæti í átta liða úrslitum. 
  • Serbar unnu Pólverja í vináttuleik í handknattleik karla í gær,  36:28. Pólverjar unnu fyrri vináttuleikinn á föstudaginn, 26:25. 
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -