- Auglýsing -
- Auglýsing -
- Auglýsing -

Molakaffi: Elín Jóna, Axel, Hansen, tveir úr leik, áfram í Ungverjalandi

Elín Jóna Þorsteinsdóttir. Mynd/EPA
- Auglýsing -
  • Elín Jóna Þorsteinsdóttir og samherjar hennar í danska 1. deildarliðinu EH Aalborg unnu Søndermarkens IK, 28:24, á útivelli í fyrsta leiknum eftir HM-hléið. Því miður fer engum sögum af frammistöðu Elínar Jónu í frásögn á heimasíðu EH Aalborg-liðsins. Hins vegar er ljóst að EH Aalborg hefur afgerandi stöðu í efsta sæti deildarinnar með 22 stig eftir 11 leiki. Lið Hróarskeldu er í öðru sæti með 19 stig að loknum 12 leikjum. 
  • Axel Stefánsson annar þjálfari norska úrvalsdeildarliðsins Storhamar fagnaði sætum sigri með leikmönnum sínum á danska liðinu Nykøbing-Falster, 27:26, í fyrstu umferð A-riðils Evrópudeildar kvenna í handknattleik í gær. Leikurinn fór fram í Falstri. 
  • Handknattleiksmaðurinn Lasse Svan Hansen var í gærkvöld tekinn inn í heiðurshöll danska íþróttasambandsins. Hann er fertugasti íþróttamaðurinn sem hlotnast þessi heiður. Hansen lék 245 landsleiki á árunum 2003 til 2022 og skoraði í þeim 570 mörk. Hann hætti að leika með danska landsliðinu á EM fyrir tveimur árum. Hálfu ári síðar batt hann enda á langan keppnisferil sem einn farsælasti íþróttamaður Danmerkur, 39 ára gamall. Lengst af lék Hansen með Flensburg-Handewitt í Þýskalandi.
  • Landslið Króatíu varð fyrir skakkaföllum í fyrrakvöld þegar ljóst varð að David Mandić og Josip Šarac taka ekki þátt í EM vegna meiðsla. Fleiri leikmenn eru óvissir í króatíska hópnum, ýmist vegna meiðsla eða veikinda. 
  • Þýski handknattleiksmaðurinn Christian Dissinger, sem rifti samningi við PLER Búdapest um miðja síðustu viku, var ekki lengi að semja við annað ungverskt félagslið. Tilkynnt var í gær að Dissinger væri orðinn liðsmaður Tatabánya. Fastmælum mun vera bundið að Dissinger leiki með liði félagsins út leiktíðina vorið 2025. 
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -