- Auglýsing -
- Auglýsing -
- Auglýsing -

Molakaffi: Elín, Jónas, Davíð, Benedikt, Schmid, forsetinn hitti meistara

Elín Jóna Þorsteinsdóttir. Mynd/EPA
- Auglýsing -
  • Elín Jóna Þorsteinsdóttir landsliðskona og liðsfélagar hennar í EH Aalborg unnu fimmtánda leik sinn í dönsku 1. deildinni í handknattleik í gær. EH Aalborg vann HØJ, 28:21, á heimavelli  HØJ í Ølstykke á Sjálandi í gær. EH Aalborg er efst í deildinni með 30 stig að loknum 15 leikjum, fimm stigum á undan Roskilde Håndbold
  • Jónas Karl Gunnlaugsson leikmaður Selfoss U, Davíð Elí Heimisson leikmaður HK U og samherji hans, Benedikt Þorsteinsson, voru úrskurðaðir í eins leiks bann á fundi aganefndar HSÍ í gær. Nánar er hægt að nálgast úrskurð aganefndar hér. 
  • Svissneski handknattleiksmaðurinn Andy Schmid hefur ákveðið að hætta keppni nú þegar. Schmid hafði ráðgert að hætta í vor og taka við þjálfun landsliðsins. Hann tilkynnti í gær að hann ætlaði ekki að bíða til vorsins. 
  • Schmid, sem stendur á fertugu, lék lengst af sínum ferli eða  í 12 ár með Rhein-Neckar Löwen og þótti einn allra besti leikmaður þýska handknattleiksins um árabil. Síðustu tvö ár hefur Schmid leikið með HC Kriens-Luzern í Sviss
  • Schmid er markahæsti leikmaður landsliðs Sviss frá upphafi með 1094 mörk, skreið upp fyrir Marc Baumgartner á nýafstöðnu Evrópumóti. Landsleikir Schmid eru 218. Hann tekur við þjálfun landsliðsins í sumar. 
  • Fljótlega eftir komu heim til Parísar á mánudaginn þáðu nýkrýndir Evrópumeistarar Frakklands í handknattleik karla boð Emmanuel Macron forseta Frakklands um heimsókn í forsetahöllina, l’Elysée. Amélie Oudéa-Castera, íþrótta- og menningarmálaráðherra Frakklands, tók á móti Evrópumeisturunum ásamt Macron forseta. 
  • Sú hefð ríkir í Frakklandi að forsetinn býður heim einstaklingum og landsliðum sem vinna til verðlauna á stórmótum í íþróttum.  Ekki er nema rúmur mánuður síðan franska kvennalandsliðið í handknattleik fékk eins heimboð til Marcron í forsetahöllina eftir að það varð heimsmeistari. 
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -