- Auglýsing -
- Elmar Erlingsson skoraði þrjú mörk og gaf tvær stoðsendingar í stórsigri Nordhorn-Lingen, 38:26, á HSG Konstanz í fyrstu umferð 2. deildar þýska handknattleiksins í gær. Leikurinn fór fram í Nordhorn og var skiljanlega sá fyrsti sem Eyjamaðurinn leikur í deildinni en hann gekk til liðs við Nordhorn í sumar. Elmar geigaði ekki á skoti í leiknum í gær.
- Ísak Steinsson og félagar hans í Drammen unnu Nærbø, 31:26, í 2. umferð þýsku 2. deildarinnar í gær. Leikið var í Nærbø. Ísak tók lítið þátt í leiknum að þessu sinni. Viktor Petersen Norberg hafði einnig hægt um sig og skoraði aðeins einu sinni. Drammen hefur unnið tvo fyrstu leiki sína eins Kolstad, Arendal og Runar.
- Dana Björg Guðmundsdóttir var markahæst hjá Volda með átta mörk þegar liðið vann Utleira, 31:25, í næst efstu deild norska handknattleiksins á heimavelli í gær. Volda hefur fjögur stig eftir tvo leiki eins og fjögur önnur lið.
- Elna Ólöf Guðjónsdóttir skoraði þrjú mörk og var einu sinni vikið af leikvelli í tvær mínútur í 11 marka sigri Strindheim á Utleira 2, 30:19, í þriðju efstu deild norska handknattleiksins í gær. Þetta var þriðji leikur Elnu Ólafar fyrir Strindheim-liðið sem er efst í 04-flokki 2. deildar eða C-deildar eins og stundum er sagt.
- Wakunaga Pharmaceutical, sem Birkir Benediktsson gekk til liðs við í sumar, tapaði fyrir Ryukyu Corazon, 36:33, í fyrstu umferð japönsku úrvalsdeildarinnar í handknattleik í gær. Engum sögum fer af frammistöðu Birkis í leiknum.
- Auglýsing -
