- Auglýsing -
- Erlingur Richardsson þjálfari landsliðs Sádi Arabíu vann öruggan sigur á landsliði Indlands, 48:17, í annarri umferð Asíukeppninnar í handknattleik í Barein í gær. Sádar hafa þar með unnið einn leik og tapað einum. Síðasti leikurinn í riðlakeppninni verður við landslið Íraks sem gerði jafntefli við japanska landsliðið í gær, 28:28. Sádar verða að vinna leikinn til þess að komast áfram í átta liða úrslit.
- Dagur Sigurðsson er þjálfari japanska landsliðsins eins og síðustu nærri sjö ár. Japanska landsliðið hefur þrjú stig eftir tvo leiki og mætir indverska landsliðinu í síðustu umferð riðlakeppninnar á morgun.
- Aron Kristjánsson og hans leikmenn í landsliði Barein er öruggir um sæti í átta liða úrslitum eftir sigur á landsliðið Hong Kong í gær, 47:20. Barein hefur fjögur stig í sínum riðli og mætir Sameinuðu arabísku furstadæmunum á morgun.
- Elín Jóna Þorsteinsdóttir landsliðsmarkvörður og liðsfélagar hennar í EH Aalborg halda sigurgöngu sinni áfram í næsta eftir deild danska handknattleiksins. EH Aalborg vann Fredericia, 25:21, á heimavelli í gær. EH Aalborg hefur þar með unnið 12 fyrstu leiki sína í deildinni og hefur þriggja stiga forskot á næsta lið.
- Berta Rut Harðardóttir skoraði ekki mark en átti eina stoðsendingu þegar lið hennar, Kristianstad HK, vann Kungälvs HK, 27:24. Með sigrinum hafði Kristianstad HK sætaskipti við Skara HF. Kristianstad HK situr í sjötta sæti sænsku úrvalsdeildarinnar með 14 stig eftir 13 leiki. Skara er stigi á eftir. Sävehof er efst í deildinni með 21 stig.
- Auglýsing -
