- Auglýsing -
- Auglýsing -
- Auglýsing -
- Auglýsing -

Molakaffi: Freihöfer, Wiede, Barcelona tapaði, Albertsen, Naji, Machulla

Fabian Wiede fær meðferð hjá sjúkraþjálfara Füchse Berlin eftir að hann meiddist í kappleik á miðvikudaginn. Ljósmynd/EPA
- Auglýsing -
  • Þýska handknattleiksliðið Füchse Berlin verður án þeirra Fabian Wiede og Tim Freihöfer næstu vikurnar. Báðir meiddust í síðari viðureign Füchse Berlin og Industria Kielce í Meistaradeild Evrópu í vikunni. Annar meiddist á mjöðm en hinn á ökkla. 
  • Füchse Berlin er í harðri baráttu við Hannover-Burgdorf, Melsungen og fleiri um þýska meistaratitilinn og má illa við að missa tvo öfluga leikmenn. Füchse Berlin hefur aldrei orðið þýskur meistari. Einnig er liðið komið í átta liða úrslit Meistaradeildar. 
  • Spænska handknattleiksliðið Barcelona tapaði í gærkvöld fyrir Granollers, 31:30, á heimavelli í 23. umferð spænsku 1. deildinni í handknattleik. Það þykir ævinlega tíðindum sæta þegar Barcelona tapar leik í spænsku 1. deildinni enda hefur liðið á stundum komist í gegnum heilu keppnistímabilin á þess að tapa stigi. 
  • Þrátt fyrir tapið í gær er Barcelona með yfirburðarstöðu í deildinni með 44 stig eftir 23 leiki. Granollers er átta stigum á eftir. Sjö umferðir er eftir.
  • Martin Albertsen einn af þekktari handknattleiksþjálfurum Danmerkur á síðari árum tekur við þjálfun Bjerringbro í sumar. Albertsen var síðast þjálfari hjá Ferencváros í Ungverjalandi en staldraði stutt við. Þar áður var hann þjálfari kvennalandsliðs Sviss um árabil og vann mikið uppbyggingarstarf sem hefur skilað sér á allra síðustu árum. 
  • Ár er liðið síðan Jamal Naji var sagt upp starfi þjálfara hjá þýska handknattleiksliðinu Bergischer HC en liðið var þá í bráðri fallhættu í 1. deildinni. Hann er enn í málaferlum við félagið vegna uppsagnarinnar. Arnór Þór Gunnarsson og Markus Pütz tóku við þjálfun liðsins sem er núna í efsta sæti 2. deildar og stefnir rakleitt upp í deild þeirra bestu á nýjan leik. 
  • Annar þjálfari, Maik Machulla, segist enn vera reiður vegna uppsagnar hjá Aalborg Håndbold í byrjun vetrar eftir aðeins fjóra mánuði í starfi. Machulla tekur við þjálfun Rhein-Neckar Löwen í sumar og verður þá vonandi runninn mesta reiðin. 
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -