- Auglýsing -
- Auglýsing -
- Auglýsing -

Molakaffi: Hákon, Viktor, Elvar, Ágúst, Hannes

Mynd/Hafliði Breiðfjörð
- Auglýsing -
  • Hákon Daði Styrmisson skoraði sjö mörk í gær og var markahæstur hjá Eintracht Hagen þegar liðið vann ASV Hamm-Westfalen, 36:34, á heimavelli Hamm í 2. deild þýska handknattleiksins . Hagen er í fjórða sæti deildarinnar, aðeins þremur stigum á eftir Hamm.
  • Potsdam er í efsta sæti 2. deildar. Víst er að liðið tekur sæti í efstu deild á næsta keppnistímabili. Bietigheim er í öðru sæti með 41 stig, fimm stigum fyrir ofan Hagen sem hefur unnið nokkra leiki í röð á sama tíma og Hákon Daði hefur leikið við hvern sinn fingur. 
  • Franska liðið Nantes vann PSG, 32:30, á heimavelli í 23. umferð frönsku 1. deildarinnar í handknattleik í gær. Þetta var fyrsta tap PSG í frönsku deildinni á keppnistímabilinu. Nantes er áfram í öðru sæti deildarinnar með 40 stig eftir 23 leiki. PSG er efst og þremur stigum ofar. Montpellier situr í þriðja sæti með 37 stig. 
  • Viktor Gísli Hallgrímsson var ekki með Nantes í sigrinum glæsilega í gær. Hann er frá keppni vegna meiðsla á olnboga.
  • Elvar Ásgeirsson skoraði fjögur mörk og átti fjórar stoðsendingar þegar Ribe-Esbjerg steinlá fyrir Aalborg Håndbold í fyrstu umferð úrslitakeppni dönsku úrvalsdeildarinnar í gærkvöld. Ágúst Elí Björgvinsson varði sex skot þann tíma sem hann var í marki Ribe-Esbjerg, 27%.
  • Hinn stórefnilegi Thomas Arnoldsen skoraði 12 mörk í 13 skotum fyrir Aalborg og átti fjórar stoðsendingur. Arnoldsen var eitt helsta tromp U21 árs landsliðs Dana sem hafnaði í fimmta sæti á HM á síðasta sumri undir stjórn Arnórs Atlasonar
  • Alpla Hard, liðið sem Hannes Jón Jónsson þjálfar í Austurríki, er áfram í öðru sæti efstu deildar karla. Alpla Hard vann Aon Fivers, 34:31, á heimavelli í gær. Lið Handball Tirol gefur lítið sem ekkert eftir. Það er efst með 34 stig fyrir síðustu umferð sem fram fer á föstudag og laugardag.
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -