- Auglýsing -
- Auglýsing -
- Auglýsing -

Molakaffi: Hannes, Arnór, Mappes, Bürkle, Eggert

Sænska landsliðskonan Kristín Þorleifsdóttir kastar að marki Íslands í leik Íslands og Svíþjóðar á Ásvöllum í gærkvöld. Foreldrar Kristínar eru íslensk en þau hafa búið um langt árabil í Svíþjóð þar sem Kristín ólst upp. Mynd/Hafliði Breiðfjörð
- Auglýsing -
  • Kapphlaup Handball Tirol og Alpla Hard um efsta sæti austurrísku 1. deildarinnar í handknattleik karla heldur áfram en eins stigs munur er á liðunum eftir 17. umferð í gærkvöld þegar bæði lið unnu andstæðinga sína.  Hannes Jón Jónsson og liðsmenn hans í Hard unnu Barnbach, 29:25, á heimavelli og er í öðru sæti.
  • Illa gengur áfram hjá Arnóri Atlasyni og leikmönnum hans í TTH Holstebro. Þeir töpuðu í gær fyrir Skanderborg AGF, 25:19, í Skanderborg í dönsku úrvalsdeildinni í handknattleik, 23. umferð. Holstebro er í 11. sæti af 14 liðum og á afar veika von um að ná sæti í átta liða úrslitum um meistaratitilinn. Líklega verður það hlutskipti Holstebro að fara í keppni liðanna í neðri hlutanum um að forðast fall. 
  • Stöðuna í handknattleiknum í Austurríki og Danmörku og í fleiri deildum evrópsks handknattleiks er að finna hér.
  • Dominik Mappes leikstjórnandi þýska liðsins Gummersbach leikur ekki með liðinu næstu átta vikur vegna meiðsla sem hann varð fyrir í kappleik við Lemgo á dögunum. Arnór Snær Óskarsson og Elliði Snær Viðarsson leika með Gummersbach og síðast en ekki síst er Guðjón Valur Sigurðsson þjálfari liðsins.
  • Jens Bürkle sem þjálfar HBW Balingen-Weilstetten sem Daníel Þór Ingason og Oddur Gretarsson leika með tekur við þjálfun Stuttgart í sumar. Nokkrar vikur eru liðnar síðan að tilkynnt var að Bürkle hætti hjá Balingen við lok leiktíðar en liðið rekur lestina í þýsku 1. deildinni. 
  • Fullyrt er í dönskum fjölmiðlum að Anders Eggert verði aðstoðarþjálfari Flensburg frá og með sumrinu. Eggert sem er fyrrverandi landsliðsmaður Dana í handknattleik hefur undanfarin tvö ár verið aðstoðarþjálfari KIF Kolding. Eggert lék árum saman með Flensburg en flutti heim fyrir sjö árum. Daninn Nicolej Krickau tók við þjálfun Flensburg á síðasta sumri. 
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -