- Auglýsing -
- Auglýsing -
- Auglýsing -

Molakaffi: Hannes Jón, oddaleikur, Frakkland

Mynd/Hafliði Breiðfjörð
- Auglýsing -
  • Hannes Jón Jónsson og liðsmenn hans í Alpla Hard töpuðu með átta marka mun fyrir Linz í öðrum úrslitaleik liðanna um austurríska meistaratitilinn í handknattleik í gær, 36:28. Leikurinn fór fram í Linz. Liðin hafa einn vinning hvort og mætast þau í úrslitaleik um meistaratitilinn á miðvikudaginn í Hard.
  • Árangur Linz í úrslitakeppninni er áhugaverður í ljósi þess að liðið hafnaði í sjöunda sæti austurrísku deildarinnar í vor. Alpla Hard er deildarmeistari en varð síðast austurrískur meistari fyrir þremur árum.
  • Keppni í efstu deild franska handknattleiksins í karlaflokki lauk í gær. Enginn Íslendinganna í deildinni tók þátt í leikjum gærkvöldsins en þeir voru fjarri leikvellinum vegna meiðsla.
  • Nantes, liðið sem Viktor Gísli Hallgrímsson markvörður er hjá, vann Nimes, 36:32, á heimavelli og hafnaði í öðru sæti, einu stigi á eftir PSG sem varð meistari eins og síðustu 10 ár.
  • PAUC, sem Kristján Örn Kristjánsson Donni hefur leikið með undangengin fjögur ár varð í áttunda sæti. PAUC tapaði fyrir PSG, 39:36, í París í kveðjuleik Nikola Karabatic. Hann leggur skóna á hilluna eftir Ólympíuleikana í París í sumar.
  • Donni yfirgefur PAUC í sumar og flytur til Danmerkur og gengur til liðs við Skanderborg AGF í dönsku úrvalsdeildinni.
  • Darri Aronsson lék ekkert með US Ivry í vetur vegna meiðsla og endurhæfingar af þeirra sökum. Ivry vann Saran, 29:27, á útivelli. Ivry hafnaði í 13. sæti af 16 liðum deildarinnar og hélt sæti sínu. Darri mætir galvaskur til leiks í haust.
  • Saran og Dijon féllu úr frönsku 1. deildinni. Ekkert er alveg ljóst hvaða lið taka sæti þeirra vegna þess að umspilskeppni 2. deildar er ekki lokið.
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -