- Auglýsing -
- Drammen, lið þeirra Ísaks Steinssonar og Viktors Petersen Norberg, vann Kristiansand, 34:24, í upphafsleik 4. umferðar norsku úrvalsdeildarinnar í handknattleik karla í gær á heimavelli. Drammen hefur þar með fullt hús stiga eftir fjórar fyrstu viðureignirnar. Ísak var í marki liðsins um það bil þriðjung leiksins og varði eitt skot af níu sem hann fékk á sig. Viktor skoraði fjögur mörk.
- Fredrikstad Bkl., liðið sem Elías Már Halldórsson leikur með, tapaði fyrir Sola í fjórðu umferð norskur úrvalsdeildarinnar í kvennaflokki í gær, 29:21. Staðan var 15:8 að loknum fyrri hálfleik. Leikið var á heimavelli Sola, Åsenhallen. Fredrikstad Bkl er án stiga í neðsta sæti deildarinnar ásamt Byåsen og Haslum.
- Elín Jóna Þorsteinsdóttir landsliðsmarkvörður varði eitt skot af 18 sem hún fékk á sig í marki Aarhus United í gær þegar liðið tapaði fyrir SønderjyskE, 35:32, á heimavelli í þriðju umferð dönsku úrvalsdeildarinnar í handknattleik. Aarhus United er í sjöunda sæti deildarinnar með tvö stig eftir þrjá leiki.
- Auglýsing -
