- Auglýsing -
- Auglýsing -
- Auglýsing -

Molakaffi: Jacobsen, Barrufet, Dujshebaev, Svíar töpuðu

Nikolaj Jacobsen þjálfar ekki aðeins danska karlandsliðið í handknattleik. Ljósmynd/EPA
- Auglýsing -
  • Nikolaj Jacobsen þjálfari danska karlalandsliðsins lætur ekki annir vegna undirbúnings danska karlalandsliðsins í handknattleik fyrir Ólympíuleikana tefja sig frá því að stýra 16 ára liði GOG frá Fjóni á Partille Cup-mótinu í Svíþjóð. Jacobsen þjálfar liðið í sjálfboðavinnu og fylgir því eftir á mótinu sem lýkur í dag. Sonur Jacobsen er á meðal þeirra sem leikur með GOG-liðinu. 
  • Í frétt sænskra fjölmiðla frá mótinu segir m.a. að Jacobsen hafi verið svo upptekinn við að gefa ungum handknattleiksfólki tækifæri til að myndatöku af sér með þeim að hann hafi mætt aðeins of seint  á liðsfund GOG. Undir stjórn Jacobsen hefur danska karlalandsliðið unnu heimsmeistaratitilinn þrisvar í röð og nú er stefnan sett á gullverðlaun á Ólympíuleikunum.
  • Spænski handknattleiksmaðurinn Ian Barrufet hefur verið lánaður frá Barcelona til MT Melsungen í Þýskalandi í eitt ár. Barrufet, sem þykir mikið efni, stendur á tvítugu og er rétthent skytta. Hann er sonur David Barrufet fyrrverandi landsliðsmarkvarðar Spánar og leikmanns Barcelona
  • Daniel Dujshebaev, yngri sonur Talant Dujshebaev þjálfara pólska liðsins Industria Kielce, hefur skrifað undir framlengingu á samningi sínum við félagið til næstu tveggja ára.
  • Linn Blohm skoraði sjö mörk fyrir sænska landsliðið þegar það tapað fyrir hollenska landsliðinu, 30:29, í vináttuleik í handknattleik í Gautaborg í gær. Bæði landslið eru að búa sig undir Ólympíuleikana sem hefjast undir lok mánaðarins í París. Svíar voru með yfirhöndina að loknum fyrri hálfleik, 17:15. Estavana Polman skoraði 10 mörk fyrir hollenska landsliðið og var markahæst.
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -