- Auglýsing -
- Auglýsing -
- Auglýsing -

Molakaffi: Jóhanna, Aldís, Elín, Axel, Dana, Harpa, Bjarki

Jóhanna Margrét Sigurðardóttir landsliðskona og leikmaður Skara HF í Svíþjóð. Mynd/Hafliði Breiðfjörð
- Auglýsing -
  • Jóhanna Margrét Sigurðardóttir skoraði tvö mörk og átti eina stoðsendingu og Aldís Ásta Heimisdóttir skoraði einu sinni en gaf þrjár stoðsendingar þegar lið þeirra, Skara HF, gerði jafntefli við Kungälvs HK, 29:29, á heimavelli Skara í gær. Leikurinn var liður í 14. umferð sænsku úrvalsdeildarinnar. Skara situr í sjöunda sæti deildarinnar með 14 stig eftir 14 leiki en gengi liðsins hefur verið gott að undanförnu.
  • Elín Jóna Þorsteinsdóttir markvörður og liðsfélagar hennar í EH Aalborg unnu sinn 13. leik í dönsku 1. deildinni í handknattleik í gær þegar liðið lagið hitt Álaborgarliðið í deildinni, Aalborg HK, 36:16. EH Aalborg hefur fimm stiga forskot í efsta sæti deildarinnar en í öðru sæti er lið Roskilde Håndbold.
  • Axel Stefánsson annar þjálfara Storhamar í Noregi varð að bíta í það súra epli að sjá lið sitt tapa fyrir króatísku meisturunum Podravka Vegeta, 23:19, í þriðju umferð riðlakeppni Evrópudeildar kvenna í handknattleik í gær. Leikurinn fór fram í Króatíu. Storhamar er í öðru sæti A-riðils með fjögur stig eftir þrjár umferðir.
  • Dana Björg Guðmundsdóttir skoraði sex mörk og var markahæst hjá Volda þegar liðið vann Fyllingen, 26:24, á útivelli í næst efstu deild norska handknattleiksins í kvennaflokki í gær. Leikurinn var háður á heimavelli Fyllingen. Volda er sem fyrr í öðru sæti deildarinnar, tveimur stigum á undan Haslum.
  • Harpa Rut Jónsdóttir skoraði tvö mörk og var tvisvar vikið af leikvelli þegar GC Amicitia Zürich vann HV Herzogenbuchsee, 26:23, í svissnesku A-deildinni í gær. GC Amicitia Zürich er þar með komið upp í þriðja sæti deildarinnar, fjórum stigum á eftir SPONO Eagles og Brühl sem eru efst og jöfn.
  • Treglega gengur hjá Bjarka Finnbogsyni og samherjum í Anderstorps í næst efstu deild sænska handknattleiksins. Síðast í gær töpuðu þeir fyrir Väseråslrsta HF, 40:33, á útivelli. Bjarki skoraði sjö mörk í leiknum. Anderstorps er þar með fallið niður í næst neðsta sæti deildarinnar með 12 stig að loknum 18 leikjum. Torslanda er neðst með 11 stig og á leik til góða á Anderstorps.
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -