- Auglýsing -
- Auglýsing -
- Auglýsing -

Molakaffi: Magnús Karl, heimsmet, Sagosen, Vedelsbøl, herör

Mynd/Egill Bjarni Friðjónsson
- Auglýsing -
  • Barna-og unglingaráð handknattleiksdeildar Gróttu og Magnús Karl Magnússon hafa komist að samkomulagi um að Magnús láti af störfum fyrir félagið. Magnús ætlar að einbeita sér að starfi sínu sem íþróttasálfræðingur. Hann hóf störf í júní og hefur frá þeim tíma þjálfað 8. flokk karla og 4. flokk kvenna og verið aðstoðarþjálfari 6. flokks kvenna.
  • Allt er sagt klárt í Merkur Spiel-Arena í Düsseldorf til þess að taka á móti 53 þúsund áhorfendum á viðureign Þýskalands og Sviss á Evrópumóti karla í handknattleik. Um heimsmet verður að ræða í aðsókn á handboltaleik. Fyrra met var sett fyrir 10 árum þegar  44.189 áhorfendur komu saman til þess að fylgjast með leik Rhein-Neckar Löwen og HSV Hamburg á knattspyrnuleikvangi í Frankfurt sem sérstaklegar var lagaður að handknattleik. 
  • Alexander Petersson og Stefán Rafn Sigurmannsson voru leikmenn Rhein-Neckar Löwen í metleiknum í Frankfurt á sínum tíma
  • Norski handknattleiksmaðurinn Sander Sagosen segir yfirburði danska landsliðsins vera slíka að takist liðinu ekki að vinna EM verður um hreint klúður að ræða. 
  • Hinn ungi færeyski línumaður, Isak Vedelsbøl, hefur samið við sænska liðið Sävehof og verður þar með samherji Tryggva Þórissonar frá og með næsta tímabili. Vedelsbøl er í færeyska landsliðinu sem tekur þátt í Evrópumótinu en liðið kom til Berlínar í gær. Vedelsbøl, sem er 19 ára, leikur út tímabilið með H71 í Þórshöfn. Hjá Sävehof er fyrir færeyski landsliðsmaðurinn Óli Mittún
  • Handknattleikssamband Evrópu, EHF, hefur skorið upp herör gegn hagræðingu úrslita í handknattleik í tengslum við Evrópumót karla sem hefst í kvöld í Þýskalandi. Í þessu skyni hefur EHF eflt samstarf sitt við Sportradar. Gervigreind verður m.a. nýtt til þess að þefa uppi meinta hagræðingu úrslita.
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -