- Auglýsing -
- Margrét Castillo hefur ákveðið að kveðja Fram og ganga til liðs við ÍBV en frá þessu var sagt að samfélagsmiðlum ÍBV í gær. Margrét er örvhent skytta sem leikið hefur með Olísdeildarliði Fram og ungmennaliðinu í Grill 66-deildinni.
- Oddur Gretarsson varð í sjötta sæti í kjöri á besta leikmanni þýsku 2. deildarinnar en niðurstöður lágu fyrir í gær. Petros Boukovinas leikmaður TV Großwallstadt varð efstur í kjörinu sem stóð á milli þeirra sjö leikmanna sem valdir voru í lið ársins í deildinni.
- Joaquim Nazaré markahæsti leikmaður spænsku 1. deildarinnar í handknattleik karla á nýliðnu keppnistímabili hefur samið við danska úrvalsdeildarliðið Skjern til næstu tveggjaára. Nazaré er 21 árs gamall Portúgali og kemur til danska liðsins frá Cuenca sem varð næst á eftir Barcelona í spænsku deildinni í vor. Nazaré lék sína fyrstu landsleiki fyrir portúgalska landsliðið snemma á árinu.
- Auglýsing -
