- Auglýsing -
- Óðinn Þór Ríkharðsson skoraði fjögur mörk, tvö þeirra úr vítaköstum, þegar svissnesku meistararnir, Kadetten Schaffhausen, unnu þýska 1. deildarliðið HC Erlangen, 31:28, í æfingaleik á laugardaginn. Næsti æfingaleikur Óðins Þórs og samherja verður við króatíska liðið RK Nexe á miðvikudaginn.
- Kadetten hefur formlega keppnistímabilið í Sviss með viðureign gegn HC Kriens í meistarakeppninni laugardaginn 24. ágúst. Þremur dögum áður mæta Daníel Þór Ingason og samherjar í þýska 2. deildarliðinu Balingen-Weilstetten í heimsókn í BBC Arena Schaffhausen til æfingaleiks. Deildarkeppnin í Sviss hefst 31. ágúst.
- Elliði Snær Viðarsson skoraði níu mörk og var markahæstur þegar Gummersbach tapaði fyrir HSV Hamburg í þriðju og síðustu umferð æfingamótsins, Heidi-Cup, í gær, 37:36.
- Haukar lögðu Skövde, 23:22, á æfingamóti (Annlizcup) í handknattleik kvenna á laugardaginn.
- Auglýsing -
