- Auglýsing -
- Óðinn Þór Ríkharðsson skoraði fjögur mörk, öll úr vítaköstum, þegar Kadetten Schaffhausen vann HSC Kreuzlingen, 35:25, í A-deildinni í Sviss í gær. Kadetten Schaffhausen er í efsta sæti deildarinnar með 29 stig eftir 16 leiki. HSC Kreuzlingen situr í fjórða sæti, fjórtán stigum á eftir Óðni Þór og félögum.
- Haukur Þrastarson var ekki á meðal þeirra sem skoraði fyrir Dinamo Búkarest í gær þegar liðið vann Minaur Baia Mare, 31:26, á heimavelli í rúmenskur 1. deildinni í handknattleik. Dinamo er efst með fullt hús stiga. Minaur Baia Mare er í öðru sæti.
- Dagur Gautason skoraði fimm mörk, þar af eitt úr vítakasti, þegar ØIF Arendal vann Kristiansand, 39:36, á heimavelli í norsku úrvalsdeildinni í handknattleik í gær. Árni Bergur Sigurbergsson var einnig í leikmannahópi ØIF Arendal í leiknum en kom lítið við sögu. ØIF Arendal færðist upp í 7. sæti deildarinnar með sigrinum.
- Arnór Snær Óskarsson skoraði tvö mörk, Benedikt Gunnar Óskarsson og Sveinn Jóhannsson skoruðu eitt mark hvor þegar Kolstad vann Sandnes, 35:28, á heimavelli í norsku úrvalsdeildinni í handknattleik í gær. Sigvaldi Björn Guðjónsson skoraði ekki mark að þessu sinni. Kolstad er í öðru sæti deildarinnar með 24 stig í 13 leikjum, er einu stigi á eftir Elverum.
- Stöðuna í norsku úrvalsdeildinni og í fleiri deildum evrópsks handknattleiks er að finna hér.
- Janus Daði Smárason skoraði sex mörk þegar Pick Szeged vann FTC-Green Collect (Ferencváros), 48:37, á heimavelli í 12. umferð ungversku 1. deildarinnar í gær. Með sigrinum fór Pick Seged upp að hlið Veszprém. Hvort lið hefur 22 stig.
- Bergischer HC heldur þriggja stiga forskoti í efsta sæti 2. deildar þýska handknattleiksins. Í gær vann Bergischer liðsmenn Ferndorf, 32:29, á heimavelli og hefur þar með 22 stig að loknum 14 leikjum. Arnór Þór Gunnarsson er annar þjálfara Bergischer HC. Tjörvi Týr Gíslason skoraði ekki mark en var einu sinni vikið af leikvelli í tvær mínútur.
- Stöðuna í þýsku 2. deildinni og í fleiri deildum evrópsks handknattleiks er að finna hér.
- Auglýsing -
