- Auglýsing -
- Auglýsing -
- Auglýsing -

Molakaffi: Óðinn, Tryggvi, Dagur, Ólafur, Þorgils, Döhler, Grétar

Óðinn Þór Ríkharðsson landsliðsmaður og leikmaður Kadetten Schaffhausen í Sviss. Ljósmynd/Hafliðið Breiðfjörð
- Auglýsing -
  • Óðinn Þór Ríkharðsson skoraði 10 mörk og var með fullkomna nýtingu þegar Kadetten Schaffhausen tapaði fyrir Wacker Thun, 26:24,  í öðrum leik liðanna í átta liða úrslitum úrslitakeppninnar um svissneska meistaratitilinn. Leikið var á heimavelli Wacker Thun. Staðan er jöfn, hvort lið hefur unnið einn leik, en vinna þarf þrisvar sinnum til þess að komast í undanúrslit. Næst leiða liðin saman hesta sína í Schaffhausen á mánudaginn. 
  • Tryggvi Þórisson og félagar í IK Sävehof unnu öruggan sigur á Malmö á heimavelli í gær, 36:27, í fyrsta leik liðanna í átta liða úrslitum úrslitakeppninnar um sænska meistaratitilinn á heimavelli í gær. Tryggvi skoraði ekki mark enda lætur hann mest til sín taka við varnarleikinn. Næst mætast liðin á mánudaginn í Malmö. Vinna þarf þrjá leiki til þess að öðlast sæti í átta liða úrslitum. 
  • HF Karlskrona stendur vel að vígi eftir annað sigurinn á Västerås Irsta á heimavelli í umspilskeppni um sæti í sænsku úrvalsdeildinni í handknattleik á næstu leiktíð. HF Karlskrona vann með eins marks mun, 25:24. Næsti leikur liðanna verður líka í Karlskrona á miðvikudaginn og vinni HF Karlskrona leikinn þá hefur liðið stigið skref í átt að áframhaldinu veru í deildinni. 
  • Dagur Sverrir Kristjánsson, Ólafur Andrés Guðmundsson og Þorgils Jón Svölu Baldursson skoruðu ekki mark fyrir HF Karlskrona í leiknum í gær. Phil Döhler varði 4 skot þann tíma sem hann stóð í marki Karlskrona, 27%.
  • Ekki er víst að öll kurl séu komin til grafar vegna leiksins í Karlskrona. Forráðamenn Västerås Irsta lögðu inn kæru vegna framkvæmdar leiksins á síðustu sekúndum. 
  • Grétar Ari Guðjónsson og samherjar hans í franska 2. deildarliðsins Sélestat töpuðu á útivelli í gærkvöld fyrir Cournon, 26:25. Grétar Ari stóð í marki Sélestat annan hálfleikinn og varði sex skot, þar af þrjú vítaköst, 32% hlutfallsmarkvarsla.  Sélestat er í fjórða sæti deildarinnar með 28 stig þegar 23 af 30 umferðum er lokið. Tremblay er efst með 44 af 46 stigum mögulegum.
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -