- Auglýsing -
- Ómar Ingi Magnússon leikur sinn 90. landsleik í Laugardalshöllinni á sunnudaginn þegar íslenska landsliðið mætir georgíska landsliðinu í sjöttu og síðustu umferð undankeppni EM 2026. Leikurinn hefst klukkan 16.
- Ómar Ingi lék í gær sinn fyrsta landsleik síðan í Tiblisi í nóvember. Ómar Ingi meiddist á ökkla í lok nóvember í leik með Magdeburg og gat af þeirri ástæðu ekki verið með íslenska landsliðinu á HM í janúar.
- Á sunnudaginn klæðist Viktor Gísli Hallgrímsson markvörður landsliðspeysunni í 70. skipti. Viktor Gísli lék sinn fyrst landsleik gegn Noregi í Sotra Arena í nágrenni Bergen 5. apríl 2018.
- Andrija Nikolić var í gær ráðinn í lítt öfundsvert starf þjálfara króatíska meistaraliðsins RK Zagreb. Velimir Petkovic var sagt upp störfum í fyrradag. Nikolić er 14. þjálfari liðsins á 11 árum. Þetta er í þriðja sinn á níu árum sem Nikolić vermir þjálfarastólinn hjá félaginu.
- Stojanče Stoilov, margreyndur landsliðsmaður Norður Maekdóníu, er kominn inn í þjálfarateymi landsliðsins undir stjórn Kiril Lazarov. Stoilov var einn fremsti línumaður Evrópu á sínum tíma og lék ófáa landsleiki með Lazarov en saman mynduðu þeir hryggjarstykkið í sóknarleik landsliðsins um árabil.
- Sænski handknattleiksmaðurinn og vinstri hornamaðurinn Valter Chrintz sleit krossband á nýjan leik á dögunum hvar hann var í endurhæfingu í heimalandi sínu, Svíþjóð, vegna annars krossbandaslits sem átti sér stað fyrir um ári. Þetta eru þriðju alvarlegu hnémeiðsli Chrintz á tveimur og hálfu ári.
- Chrintz gekk til liðs við Füchse Berlin árið 2020 og voru mikla vonir bundnar við hann. Frá haustinu 2022 hefur ferillinn verið þyrnum stráður. Þýska félagið segist standa þétt á baki við leikmanninn en ljóst er að Chrintz mun í fyrsta lagi leika með Berlínarliðið haustið 2026.
Vinsælt lesefni:
- Auglýsing -
