- Auglýsing -
- Auglýsing -
- Auglýsing -

Molakaffi: Sættir sig við orðinn hlut, Bebeshko, úrslitaleikur

Mynd/Hafliði Breiðfjörð
- Auglýsing -
  • Þýska handknattleiksliðið Bergischer HC sem Arnór Þór Gunnarsson er annar þjálfara hjá, mun leika í 2. deild þýska handknattleiksins. Félagið hefur rekið mál gegn deildarkeppninni fyrir að veita HSV Hamburg keppnisleyfi í 1. deild þrátt fyrir að hafa hafnað umsókn félagsins í fyrstu umferð vegna fjárhagsvanda. Síðar var ákvörðunin endurskoðuð.
  • Bergischer HC hafnaði í næst neðsta sæti þýsku 1. deildarinnar í vor en hefði haldið sæti sínu ef HSV Hamburg hefði verið synjað um keppnisleyfi. Stjórn þýsku deildarkeppninnar og Bergischer HC sendu frá sér sameiginlega yfirlýsingu á föstudaginn þar sem forráðamenn Bergischer lýstu því yfir að aðgerðum af hálfu félagsins til þess að andæfa gegn keppnisleyfi HSV Hamburg væri lokið og að félagið verði að sætta við þær ákvarðanir sem teknar hafa verið.
  • Eins og kom fram á dögunum hefur Valsarinn Tjörvi Týr Gíslason samið við Bergischer HC frá og með næsta keppnistímabili.
  • Handknattleiksmaðurinn fyrrverandi Sergey Bebeshko hefur verið ráðinn þjálfari rúmenska karlaliðsins HC Buzau 2012 frá og með deginum í gær. Bebeshko er Úkraínumaður og var m.a. landsliðsþjálfari Úkraínu í karlaflokki frá 2018 til 2021. Bebeshko er 56 ára gamall og e.t.v. þekktastur fyrir feril sinn sem handknattleiksmaður. Hann varð m.a. Ólympíumeistari í handknattleik leik Samveldi sjálfstæðra þjóða (sameiginlegt lið lýðvelda Sovétríkjanna) á Ólympíuleikunum í Barcelona 1992. Bebeshko skoraði 19 mörk í sjö leikjum þess sterka liðs á leikunum.
  • Forsvarsmenn HC Buzau 2012 eru stórhuga og ætla sér langt með liðið á næstu árum en það hafnaði í 8. sæti af 14 í rúmensku úrvalsdeildinni í vor. Mikill uppgangur hefur verið í rúmenskum handknattleik á undanförnum árum og talsverðir peningar eru komnir í spilið, jafnt á meðal karla- og kvennaliða.
  • Olympiakos og AEK Aþena mætast í hreinum úrslitaleik um gríska meistaratitilinn í handknattleik í dag. Flautað verður til leiks á heimavelli Olympiakos klukkan 16.30. Hvort hefur tvo vinninga í einvíginu. AEK varð meistari á síðasta ári.
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -