- Auglýsing -
- Sigurður Páll Matthíasson leikmaður Víkingur U var á þriðjudaginn úrskurðaður í eins leiks bann vegna mjög ódrengilegrar hegðunar í leik Víkings U og Fram U í Grill 66 deild karla 1. mars sl.
- Daníel Karl Gunnarsson leikmaður Stjörnunnar hlaut útilokun með skýrslu vegna mjög ódrengilegrar hegðunar á síðustu sekúndum viðureignar FH og Stjörnunnar í Olísdeild karla á síðasta sunnudag. Niðurstaða aganefndar að fengnu mati dómara er sú að Daníel Karl skuli taka út eins leiks bann.
- Danska handknattleiksliðið Fredericia HK, sem Guðmundur Þórður Guðmundsson þjálfar, tapaði í gærkvöld fyrir Skanderborg AGF, 30:27, á útivelli í 24. umferð. Einar Þorsteinn Ólafsson lét til sín taka í vörninni og var einu sinni vikið af leikvelli. Fredericia HK er áfram í öðru sæti deildarinnar en Skanderborg AGF er í 10. sæti. Stöðuna í dönsku úrvalsdeildinni er að finna hér ásamt fleiri stöðutöflum í evrópskum handknattleik.
- Fredrikstad Bkl., liðið sem Elías Már Halldórsson þjálfar, vann Fana á útivelli, 28:24, í 21. umferð norsku úrvalsdeildarinnar í kvennaflokki í gærkvöld. Fredrikstad Bkl er áfram í fínum málum í þriðja sæti deildarinnar þegar fimm umferðir eru óleiknar. Stöðuna í deildinni er að finna hér.
- Domagoj Duvnjak fyrirliði THW Kiel og króatíska landsliðsins var valinn íþróttamaður ársins 2023 í Kiel af lesendum Kieler Nachrichten sem staðið hefur fyrir valinu á meðal lesenda sinna frá 1992. Þetta er í fyrsta sinn sem Duvnjak hreppir hnossið. Hann var kjörinn íþróttamaður ársins í Hamborg fyrir nokkrum árum.
- Auglýsing -
