- Auglýsing -
- Auglýsing -
- Auglýsing -

Molakaffi: Sigvaldi, Róbert, Arnór, Guðmundur, Simonet

Sigvaldi Björn Guðjónsson í leik með Kolstad. Mynd/EPA
- Auglýsing -
  • Sigvaldi Björn Guðjónsson skoraði þrjú mörk, þar af eitt úr vítakasti, þegar Kolstad vann Halden, 35:22, í norsku úrvalsdeildinni í gær. Leikurinn fór fram í Þrándheimi. Gøran Søgard Johannessen skoraði 10 mörk fyrir Kolstad sem er í þriðja sæti deildarinnar með fimm stig að loknum þremur leikjum. 
  • Vegna meiðsla gat Róbert Sigurðarson ekki leikið með Drammen í gær þegar liðið sótti Nærbø heim og vann, 33:26, í norsku úrvalsdeildinni í handknattleik kvenna. Hinn hálfíslenski Viktor Petersen Norberg skorað eitt mark fyrir Drammen sem er ásamt Elverum með sex stig hvort eftir þrjár fyrstu umferðirnar. 
  • Afturelding mætir Nærbø í annarri umferð Evrópubikarkeppninnar í handknattleik karla eftir um mánuð. Nærbø er með bækistöðvar í nágrenni Stavangurs.
  • Aron Mensing tryggði Danmerkurmeisturum GOG annað stigið í heimsókn til TTH Holstebro í dönsku úrvalsdeildinni í handknattleik í gær, 36:36. Arnór Atlason tók við þjálfun TTH Holstebro í sumar. Lærisveinar Arnórs áttu síðustu sóknina en tókst ekki að skora sigurmarkið.
  • Mikið hefur gengið á í herbúðum GOG síðustu daga og skemmst er að minnast þess að Ian Marko Fogh þjálfara var sagt upp störfum á fimmtudaginn eftir aðeins tvo mánuði í starfi. 
  • TTH Holstebro situr í 11. sæti af 14 liðum dönsku úrvalsdeildarinnar með þrjú stig en GOG er í sjöunda sæti með fjögur stig. 
  • Fredericia HK, liðið sem Guðmundur Þórður Guðmundsson þjálfar, tapaði naumlega fyrir Mors-Thy, 25:24, í fjórðu umferð dönsku úrvalsdeildarinnar í handknattleik í gær.  Leikið var í Thyhallen. Í jöfnum og spennandi leik skoraði Kristian Stoklund 24. mark Fredericia þegar þrjár sekúndur voru eftir af leiktímanum. Einar Þorsteinn Ólafsson var ekki í leikmannahópi Fredericia. Hann er ennþá fjarverandi vegna axlarmeiðsla. Fredericia er í þriðja til fimmta sæti ásamt Mors-Thy og Skanderborg AGF með fimm stig eftir fjóra leiki.
  • Argentínumaðurinn Diego Simonet hefur skrifað undir nýjan samning við franska liðið Montpellier til næstu þriggja ára. Hann hefur þegar verið hjá félaginu í 10 ár sem er hreint einstakt.
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -