- Auglýsing -
- Auglýsing -
- Auglýsing -

Molakaffi: Sigvaldi, Viggó, Andri, Rúnar, Heiðmar, Daníel, Arnar, Elvar

Sigvaldi Björn Guðjónsson landsliðsmaður og leikmaður Kolstad. Ljósmynd/EPA
- Auglýsing -
  • Sigvaldi Björn Guðjónsson fyrirliði Kolstad skoraði 10 mörk þegar liðið vann Elverum, 34:30, eftir tvíframlengdum oddaleik í úrslitakeppninni í norsku úrvalsdeildinni í handknattleik í gær. Þetta var önnur tvíframlengda viðureign liðanna í þremur úrslitaleikjum.
  • Kolstad vann þar með öll mót á heimavígstöðvum á leiktíðinni, liðið varð norskur meistari með sigri í deildarkeppninni, vann bikarkeppnina og loks úrslitakeppnina.
  • Sigvaldi Björn er samningsbundinn Kolstad til 2030. Tveir landar hans bætast í leikmannahóp liðsins í sumar. Benedikt Gunnar Óskarsson kemur frá Val og Sveinn Jóhannesson frá GWD Minden í Þýskalandi.
  • Viggó Kristjánsson skoraði fjögur mörk og gaf eina stoðsendingu þegar lið hans Leipzig tapað fyrir THW Kiel, 38:27, í næst síðustu umferð þýsku 1. deildinni í handknattleik í gærkvöld. Leikurinn fór fram í Wunderino Arena í Kiel. Andri Már Rúnarsson skoraði eitt mark. Rúnar Sigtryggsson er þjálfari Leipzig sem situr í áttunda sæti deildarinnar fyrir lokaumferðina.
  • Hannover-Burgdorf gerði jafntefli við Wetzlar í gær, 32:32, á útivelli í þýsku 1. deildinni í handknattleik. Heiðmar Felixson er aðstoðarþjálfari Hannover-Burgdorf sem er í sjöunda sæti deildarinnar, sex stigum ofar en Leipzig sem getið er um hér fyrir ofan.
  • Daníel Þór Ingason skoraði fjögur mörk og átti tvær stoðsendingar í tíu marka tapi Balingen-Weilstetten fyrir Lemgo, 37:27, á útivelli í næst síðustu umferð þýsku 1. deildarinnar í gær. Oddur Gretarsson skoraði ekki mark í næsta síðasta leik sínum fyrir Balingen en hann flytur heim í sumar. Balingen er neðst í deildinni og bíður fall í 2. deild.
  • Melsungen vann Göppingen, 32:22, á útivelli í þýsku 1. deildinni í handknattleik í gær. Arnar Freyr Arnarsson og Elvar Örn Jónsson léku ekki með Melsungen vegna veikinda og meiðsla. Melsungen-liðið heldur fast í fimmta sætið sem tryggir þátttökurétt í Evrópukeppni á næsta keppnistímabili.
  • Þrír síðustu leikir næst síðustu umferðar þýsku 1. deildarinnar fara fram í kvöld. Lokaumferðin verður leikin á sunnudaginn.

Staðan:

Standings provided by Sofascore
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -