- Auglýsing -
- Auglýsing -

Molakaffi: Stiven, Sigvaldi, Elías, Dana, Einar, GOG, Guðmundur, Berta

Stiven Tobar Valencia - Mynd/Hafliði Breiðfjörð
- Auglýsing -
  • Stiven Tobar Valencia var markahæstur hjá Benfica í gær þegar liðið vann Porto, 28:27, í portúgölsku 1. deildinni í handknattleik á heimavelli. Stiven Tobar skoraði sex mörk í sjö skotum. Þetta var annar tapleikur Porto í deildinni á keppnistímabilinu en liðið er ríkjandi meistari. Benfica er eftir sem áður í þriðja sæti með 46 stig eftir 18 leiki. Porto hefur 49 stig. Orri Freyr Þorkelsson og félagar í Sporting eru í sérflokki með fullt hús stiga eftir 18 umferðir.
  • Sigvaldi Björn Guðjónsson lét nægja að skora tvö mörk þegar lið hans Kolstad vann Kristiansand Topphåndball, 42:31, á útivelli í norsku úrvalsdeildinni í handknattleik í gær. Yfirburðir Kolstad voru miklir í leiknum. Þegar að loknum fyrri hálfleik var forskotið orðið tíu mörk, 21:11. Kolstad er efst í deildinni með 37 stig að loknum 20 leikjum, fjórum stigum á undan Elverum sem er í öðru sæti.
  • Elías Már Halldórsson fagnaði sigri með leikmönnum sínum í Fredrikstad Bkl, 33:20, í leik við Follo í úrvalsdeild kvenna í Noregi í gær. Fredrikstad Bkl er í þriðja sæti deildarinnar með 27 stig eftir 19 leiki. 
  • Dana Björg Guðmundsdóttir var markahæst hjá Volda með átta mörk í öruggum sigri liðsinss á  Glassverket, 31:23, á heimavelli í gær í næst efstu deild kvenna í Noregi. Glassverket var marki yfir í hálfleik, 12:11. Dana Björg og félagar sneru við blaðinu í síðari hálfleik og eru áfram í öðru sæti deildarinnar. 
  • Einar Þorsteinn Ólafsson skoraði þrjú mörk fyrir Fredericia HK þegar liðið tapaði naumlega fyrir Bjerringbro/Silkeborg, 32:31, í leik um bronsverðlaunin í dönsku bikarkeppninni í handknattleik í gær. Guðmundur Þórður Guðmundsson er þjálfari Fredericia HK. Einar Þorsteinn skoraði öll sín mörk eftir hraðaupphlaup. 
  • GOG varð bikarmeistari í handknattleik karla í Danmörku í gær. GOG lagði Aalborg Håndbold, 32:25, í úrslitaleik í Jyske Bank Boxen í Herning að viðstöddum 10.021 áhorfanda. Emil Madsen skoraði átta mörk fyrir GOG og Aaron Mensing var næstur með sjö mörk.  Mads Hoxer skoraði níu mörk fyrir Aalborg Håndbold. 
  • Berta Rut Harðardóttir skoraði tvö mörk fyrir Kristianstad HK þegar liðið gerði jafntefli við VästeråsIrsta HF, 27:27, í sænsku úrvalsdeildinni á laugardaginn. Kristianstad HK situr í sjöunda sæti með 18 stig að loknum 18 leikjum.
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -