- Auglýsing -
- Auglýsing -
- Auglýsing -

Molakaffi: Sveinbjörn, Hákon, Golla, Kohlbacher, landsliðið, Machulla, Imre

Sveinbjörn Pétursson, markvörður. Mynd/EHV/Aue
- Auglýsing -
  • Tveir Íslendingar eru í liði 24. umferðar 2. deildar þýska handknattleiksins sem valið var í gærmorgun en umferðinni lauk á sunnudagskvöld. Sveinbjörn Pétursson er markvörður úrvalsliðsins en hann fór á kostum þegar  EHV Aue vann Tusem Essen á heimavelli á sunnudagskvöld, 26:21.  Sveinbjörn varði 12 skot, 39%.
  • Hinn Íslendingurinn í liði umferðarinnar er Eyjamaðurinn Hákon Daði Styrmisson. Hákon lék á als oddi og skoraði m.a. 11 mörk þegar Eintracht Hagen vann TV Hüttenberg, 33:29, á heimavelli á laugardaginn. Hagen er í fjórða sæti deildarinnar. 
  • Bjartsýni ríkir um að Johannes Golla og Jannik Kohlbacher geti báðir leikið með þýska landsliðinu forkeppni Ólympíuleikanna sem hefst á fimmtudaginn í Hannover. Báðir urðu fyrir hnjaski í leikjum um síðustu helgi og var um tíma óttast hvort hvorugur gæti tekið þátt í leikjunum mikilvægu við Alsír, Austurríki og Króatíu á fimmtudag, laugardag og á sunnudag.  Tveir farseðlar á Ólympíuleikana eru í húfi í forkeppninni. 
  • Íslenska landsliðið í handknattleik karla kom til Aþenu seint í gærkvöld. Fyrsta æfingin verður í dag og æft verður áfram fram eftir vikunni áður en kemur að vináttuleikjum við gríska landsliðið á föstudag og laugardag. Ekkert liggur fyrir hvort leikirnir verði sendir út í sjónvarpi eða á netinu. 
  • Maik Machulla  var á föstudaginn ráðinn þjálfari danska handknattleiksliðsins Aalborg Håndbold til tveggja ára. Machulla tekur við starfinu í sumar þegar Stefan Madsen lætur af störfum eftir sex ár í brúnni. Machulla er þrautreyndur þýskur þjálfari sem þjálfaði m.a. Flensburg frá 2017 til 2023. Á þeim árum vann Flensburg m.a. tvisvar þýska meistaratitilinn.
  • Þýska handknattleiksliðið THW Kiel hefur samið við ungverska landsliðsmanninn Bence Imre. Hinn 21 árs gamli hægri hornamaður kemur til Kiel frá Ferencváros (FTC) í Búdapest
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -