- Auglýsing -
- Auglýsing -
- Auglýsing -

Molakaffi: Sveinn, Axel, Dana

Sveinn Jóhannsson, leikmaður Grün-Weiß Dankersen Minden. Ljósmynd/Minden.
- Auglýsing -
  • Sveinn Jóhannsson var ekki á meðal þeirra sem skoraði fyrir GWD Minden þegar liðið gerði jafntefli, 27:27, við TV Großwallstadt þegar þessu fornfrægu handknattleikslið mættust í 2. deild þýska handknattleiksins í gær á heimavelli Großwallstadt. Sveini var einu sinni vikið af leikvelli í tvær mínútur. GWD Minden situr í 15. sæti af 18 liðum og virðist úr fallhættu.
  • Sveinn hefur þráfaldlega verið orðaður við norska meistaraliðið Kolstad undanfarna daga og mun vera fótur fyrir þeim orðrómi. Aðeins er beðið eftir að félagið tilkynni um komu Sveins til félagsins sem er með bækistöðvar í Þrándheimi. Félagaskiptin eiga sér stað í sumar. GWD Minden tilkynnti fyrir helgina um brottför Sveins en lét ógert að minnast á hvert hann hefur tekið stefnuna.
  • Storhamar, sem Axel Stefánsson þjálfar við annan mann, er komið í undanúrslit norsku úrvalsdeildarinnar í handknattleik kvenna. Storhamar vann Oppsal, 39:27, í síðari undanúrslitaleik liðanna í Ósló í gær. Storhamar vann nauman sigur á heimavelli í síðustu viku, 29:28. Storhamar mætir annað hvort Larvik eða Molde í undanúrslitum.
  • Dana Björg Guðmundsdóttir skoraði átta mörk fyrir Volda þegar liðið tapaði fyrir Follo HK, 26:19, í fyrri viðureign liðanna í umspili norsku úrvalsdeildarinnar í handknattleik kvenna í gær. Leikurinn fór fram í Stil Arena, heimavelli Follo.
  • Síðari viðureignin fer fram í Volda á miðvikudaginn. Samanlagður sigurvegari leikjanna tveggja mætir annað hvort Romerike Ravens eða Flint Tønsberg í úrslitum umspilsins.
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -