- Auglýsing -
- Teitur Örn Einarsson skoraði fjögur mörk í fjórum skotum átti eina stoðsendingu þegar lið hans, Flensburg, vann stórsigur á HSV Hamburg, 41:30, á útivelli í 31. umferð þýsku 1. deildinni í handknattleik í gær. Flensburg er í þriðja sæti deildarinnar, fjórum stigum á eftir Füchse Berlin sem er í öðru sæti.
- Bjarki Már Elísson var ekki á meðal þeirra sen skoruðu fyrir Telekom Veszprém þegar liðið vann Fejér B.Á.L. Veszprém, 46:34, í 26. og síðustu umferð ungversku 1. deildarinnar í handknattleik í gærkvöld. Bjarki Már á afmæli í dag en 34 ár eru liðin síðan hann kom í heiminn.
- Telekom Veszprém vann alla 26 leiki sína í deildinni. Framundan eru úrslitaleikir við Pick Szeged um meistaratitilinn í næstu viku. Áður kemur að úrslitahelgi bikarkeppninnar um næstu helgi.
- Storhamar vann Sola á útivelli í annarri viðureign liðanna í undanúrslitum norsku úrvalsdeildarinnar í handknattleik kvenna í gær, 27:23. Þar með jafnaði Storhamar metin og krækti í oddaleik á heimavelli á laugardaginn. Axel Stefánsson er annar þjálfari Storhamar en liðið vann Evrópudeildina á sunnudaginn eins og kom m.a. fram á handbolti.is.
- Harpa Rut Jónsdóttir skoraði eitt mark þegar lið hennar, GC Amicitia Zürich, tapaði naumlega fyrir LC Brühl Handball í fyrsta úrslitaleiknum um svissneska meistaratitilinn í handknattleik kvenna í gær, 29:27. Leikurinn fór fram í St. Gallen, heimavelli deildarmeistara LC Brühl. Næsti leikur verður í Zürich á laugardaginn.
- Auglýsing -
