- Auglýsing -

Molakaffi: Þrjár heiðraðar, Berta, Viktor, Aron, Guðmundur, Hafþór, Haukur

Mynd/Egill Bjarni Friðjónsson
  • Karen Tinna Demian, Sigrún Ása Ásgrímsdóttir og Stefanía Ósk Engilbertsdóttir Hafberg leikmenn ÍR fengu viðurkenningu fyrir að hafa leikið 100 leiki hver fyrir meistaraflokka ÍR fyrir viðureign ÍR og Gróttu í Grill 66-deild kvenna á föstudagskvöldið. ÍR vann leikinn og situr í efsta sæti deildrinnar eins og handbolti.is sagði frá þá þegar um kvöldið. 
  • Berta Rut Harðardóttir skoraði þrjú af mörkum Holstebro þegar liðið vann Hadsten, 30:19, á útivelli í næst efstu deild danska handknattleiksins. Holstebro var fjórum mörkum yfir í hálfleik, 13:9. Holstebro er í þriðja sæti með 12 stig eftir sjö leiki eins og EH Alaborg sem Andrea Jacobsen leikur með. Bjerringbro er efst með 14 stig en hefur lokið einum leik meira. Andrea og samherjar mæta Ejstrup-Hærvejen á útvelli í dag.
  • Viktor Gísli Hallgrímsson varði 10 skot, 30%, þegar Nantes vann Istres, 40:32, í frönsku 1. deildinni í handknattleik í gær á heimavelli. Nantes er efst ásamt PSG og Montpellier. Hvert lið er með 18 stig eftir 10 leiki. 
  • Aron Pálmarsson skoraði eitt mark þegar Aalborg Håndbold tapaði í heimsókn til Kolding í gær, 27:25. Þetta var fyrsta tap Álaborgarliðsins á leiktíðinni sem er þó ennþá í efsta sæti úrvalsdeildarinnar með 25 stig eftir 14 leiki. GOG er stigi á eftir og getur komist í efsta sætið í dag með sigri á Sveini Jóhannssyni og samherjum í Skjern.  Kolding hefur gert það gott í deildinni til þess og situr í fjórða sæti með 20 stig. Kolding var aðeins fjórum sekúndum frá falli úr deildinni í vor. 
  • Lærisveinar Guðmundur Þórðar Guðmundssonar hjá Fredericia Håndboldklub gerðu í gær jafntefli við Nordsjælland, 28:28, á Sjálandi í 14. umferð dönsku úrvalsdeildarinnar í handknattleik. Leikmenn Nordsjælland jöfnuðu metin á síðustu sekúndu leiksins. Fredericia Håndboldklub situr eftir sem áður í áttunda sæti með 14 stig. Einar Þorsteinn Ólafsson kom lítið við sögu hjá Fredericia Håndboldklub. 
  • Hafþór Már Vignisson skoraði sex mörk fyri Empor Rostock þegar liðið tapaði fyrir Coburg, 35:29, á heimavelli Coburg í gær í þýsku 2. deildinni. Sveinn Andri Sveinsson lék ekki Empor í leiknum. Tumi Steinn Rúnarsson er ennþá fjarverandi hjá Coburg eftir kviðslitsaðgerð. Coburg er í áttunda sæti deildarinnar af 20 liðum með 13 stig að loknum 12 leikjum. Empor Rostock er ennþá í basli í næst neðsta sæti með fjögur stig.
  • Haukur Þrastarson skoraði tvisvar fyrir Łomża Kielce í 16 marka sigri liðsins á Górnik Zabrze, 40:24, á útivelli í pólsku 1. deildinni í handknattleik í gær. Łomża Kielce er sem fyrr efst og ósigrað í deildinni.
- Auglýsing -
- Auglýsing -

Nýjustu fréttir

- Auglýsing -