- Auglýsing -
- Tryggvi Þórisson og samherjar í IK Sävehof unnu nauman sigur á Ystads IF HF, 28:27, á heimavelli í gær í fyrsta úrslitaleik liðanna um sænska meistaratitilinn. Leikurinn fór fram í Partille, heimavelli, Sävehof. Tryggvi skoraði ekki mark. Færeyingurinn Óli Mittún var markahæstur hjá Sävehof með átta mörk. Julius Lindskog Andersson skorað fimm mörk fyrir Ystads þar sem næsta viðureign liðanna fer fram á morgun.
- Daninn Mathias Gidsel setti á laugardaginn markamet í þýsku 1. deildinni í handknattleik. Hann hefur skoraði 255 mörk á einni leiktíð, ekkert úr vítakasti. Fyrra met átti Suður Kóreumaðurinn Kyung-Shin Yoon frá árinu 2001, 248 mörk. Gidsel jafnaði það met í byrjun mánaðarins.
- Gidsel er næst markahæstur í deildinni með mörkin sín 255. Markahæstur er Manuel Zehnder með 257 mörk, þar af 87 úr vítaköstum. Ómar Ingi Magnússon er þriðji markahæstur í þýsku 1. deildinni með 205 mörk, 96 úr vítaköstum. Ómar hefur leikið tveimur leikjum færra en Zehnder og Gidsel.
- Þýski landsliðsmaðurinn Renars Uscins hefur framlengt samning sinn við Hannover-Burgdorf til tveggja ára, út leiktíðina 2026. Þrátt fyrir ungan aldur er Uscins orðin fastamaður í þýska landsliðinu. Hann lék afar vel með landsliðinu á EM í janúar og aftur í forkeppni Ólympíuleikanna í mars.
- Auglýsing -
