- Auglýsing -
- Tumi Steinn Rúnarsson og samherjar hans í Coburg töpuðu naumlega í heimsókn til Lübeck-Schwartau, 30:29, í fyrstu umferð þýsku 2. deildarinnar í handknattleik karla í gærkvöld. Mikill darraðadans var stigin á síðustu sekúndum þegar Tumi Steinn og félagar freistuðu þess að jafna metin. Þeim tókst það ekki eins og úrslitin gefa til kynna.
- Tumi Steinn skoraði fjögur mörk í leiknum og átti til viðbótar tvær stoðsendingar. Örn Vésteinsson Östenberg var ekki í leikmannahópi Lübeck-Schwartau en hann samdi við lið félagsins í sumar.
- Sveinbjörn Pétursson markvörður kom lítið við sögu í öðrum háspennuleik í gærkvöldi þegar lið hans, EHV Aue sótti Nordhorn heim og tapaði með tveggja marka mun, 27:25. EHV Aue endurheimti sæti sitt í 2. deild í vor eftir eins árs veru í 3. deild.
- Hildur Björnsdóttir línumaður Íslandsmeistara Vals er fingurbrotin og leikur ekki með liðinu á fyrstu vikum Olísdeildarinnar sem hefst eftir viku. Valur fær Fram í heimsókn í fyrstu umferð.
- Vinstri hornamaðurinn Jón Karl Einarsson hefur verið lánaður frá Haukum til HK út komandi leiktíð. Jón Karl lék með HK í vikunni gegn Gróttu í síðasta leik UMSK-mótsins.
- Lettinn Guntis Pilpuks sem leikið hefur með Herði á Ísafirði síðustu ár hefur fengið félagaskipti heim til Lettlands. Frá því segir á félagaskiptasíðu HSÍ. Pilpuks skoraði 41 mark í 14 leikjum með Herði í Olísdeild karla á síðustu leiktíð.
- Auglýsing -
