- Auglýsing -
- Tumi Steinn Rúnarsson skoraði þrjú mörk og gaf eina stoðsendingu í eins marks sigri Alpla Hard á Aon Fivers, 32:31, í annarri viðureign liðanna í átta liða úrslitum úrslitakeppni austurrísku 1. deildarinnar í handknattleik í gær. Liðin hafa unnið sinn hvorn leikinn.
- Tryggvi Garðar Jónsson skoraði ekki mark fyrir Alpla Hard-liðið sem Hannes Jón Jónsson þjálfar út keppnistímabilið. Hann átti eina stoðsendingu og varði eitt skot í vörninni hvar hans aðalhlutverk er. Næsta viðureign liðanna fer fram í Bregenz á föstudaginn.
- Úlfar Páll Monsi Þórðarson skoraði þrjú mörk í eins marks tapi RK Alkaloid fyrir HC Ohrid, 27:26, á heimavelli í úrslitakeppni efstu liða úrvalsdeildarinnar í Norður-Makedóníu í gær. RK Alkaloid er í fjórða sæti af sex liðum keppninnar.
- Auglýsing -
