Molakaffi: Viggó, Andri, Rúnar, Arnór, Ólafur, Þorgils, Haukur, Bjarki,

• Viggó Kristjánsson skoraði sjö mörk, þar af tvö úr vítaköstum þegar SC DHfK Leipzig gerði jafntefli við Bergischer HC, 31:31, í Uni-Halle heimavelli Bergischer HC í gærkvöld en leikurinn var liður í þýsku 1. deildinni í handknattleik. Viggó jafnaði metin, 31:31, í háspennuleik. Hann átti eina stoðsendingu. Andri Már Rúnarsson skoraði tvö mörk og átti eina stoðsendingu fyrir SC DHfK Leipzig.

• Rúnar Sigtryggsson er þjálfari Leipzig og fyrrverandi lærisveinn hans hjá Þór á Akureyri, Arnór Þór Gunnarsson, er aðstoðarþjálfari Bergischer HC sem er í 13. sæti deildarinnar með 11 stig. Leipzig er í 9. sæti með 13 stig en stöðuna í þýsku 1. deildinni er að finna hér.
  
• Ólafur Andrés Guðmundsson skoraði tvö mörk og Þorgils Jón Svölu Baldursson eitt þegar lið þeirra HF Karlskrona tapaði fyrir IFK SKövde, 29:26, á heimavelli í sænsku úrvalsdeildinni í handknattleik í gær. Dagur Sverrir Kristjánsson lék ekki með Karlskrona vegna meiðsla og sömu sögu er að segja að Phil Döhler markverði sem var fjarverandi. HF Karlskrona er í 12. sæti af 14 liðum en stöðuna er að finna hér ásamt fleiri stöðunni í fleiri deildum í evrópsku handknattleik.
  
• Haukur Þrastarson skoraði ekki fyrir Kielce þegar liðið vann RK Zagreb, 28:24, í Meistaradeild Evrópu í gærkvöld. Leikið var í Kielce í Póllandi. Kielce er í þriðja sæti A-riðils með 10 stig eins og Aalborg Håndbold.
  
• Bjarki Már Elísson skoraði fjögur mörk fyrir Telekom Veszprém í öruggum sigri á Celje frá Slóveníu, 41:31, í áttundu umferð Meistaradeildar Evrópu í handknattleik í gær. Leikurinn fór fram í Ungverjalandi. Veszprém er ásamt Barcelona í öðru af tveimur efstu sætum riðilsins með 14 stig.
  
• Ómar Ingi Magnússon skoraði sex mörk og átti eina stoðsending í sigri á Magdeburg á dönsku meisturunum GOG, 32:25, í Danmörku í gær. Janus Daði Smárason skoraði ekki mark í leiknum. Magdeburg er í þriðja sæti B-riðils, tveimur stigum á eftir Magdeburg og Barcelona.

Staðan í riðlunum: