- Auglýsing -
- Auglýsing -
- Auglýsing -

Molakaffi: Viggó, Andri, Rúnar, Axel, Stiven, Aldís, Jóhanna

Viggó Kristjánsson leikmaður Leipzig og íslenska landsliðsins. Ljósmynd/Hafliði Breiðfjörð
- Auglýsing -
  • Viggó Kristjánsson skoraði sjö mörk og varð markahæstur hjá SC DHfK Leipzig þegar liðið vann Stuttgart, 27:25, í Stuttgart í gær en leikurinn er liður í þýsku 1. deildinni í handknattleik. Þetta var þriðji sigurleikur SC DHfK Leipzig í röð og er liðið komið upp í áttunda sæti deildarinnar. Andri Már Rúnarsson skoraði ekki mark í fyrir SC DHfK Leipzig. Rúnar Sigtryggsson er þjálfari SC DHfK Leipzig.
  • Stöðuna í þýsku 1. deildinni og í fleiri deildum í evrópskum handknattleik er að finna hér.
  • Storhamar vann Aker, 28:25, í norsku úrvalsdeildinni í handknattleik kvenna. Axel Stefánsson er annað þjálfara Storhamar út leiktíðina en liðið er í öðru sæti deildarinnar og virðist eiga það sæti næsta víst.
  • Stiven Tobar Valencia skoraði þrjú mörk þegar Benfica vann Vitoria, 31:22, á heimavelli í portúgölsku 1. deildinni í handknattleik í gær. Benfica skaust þar með upp í annað sæti deildarinnar, a.m.k. í bili. Benfica er tveimur stigum og einu leik fyrir ofan Porto. Þrjú stig eru gefin fyrir sigur. Sporting er efst og taplaust eftir 20 leiki.
  • Stöðuna í portúgölsku 1. deildinni og í fleiri deildum í evrópskum handknattleik er að finna hér.
  • Aldís Ásta Heimisdóttir átti stórleik og skoraði átta mörk og átti þrjár stoðsendingar þegar Skara HF tapaði með eins marks mun, 28:27, fyrir efsta liði sænsku úrvalsdeildarinnar, Skuru IK, í gærkvöld. Leikurinn fór fram á heimavelli Skuru IK. Jóhanna Margrét Sigurðardóttir skoraði ekki mark fyrir Skara í leiknum. Þetta var fyrsta tap Skara HF síðan í nóvember. Liðið situr í fimmta sæti.
  • Stöðuna í sænsku úrvalsdeildinni og í fleiri deildum í evrópskum handknattleik er að finna hér.
  • Danskir fjölmiðlar fullyrða að Þjóðverjinn Maik Machulla verði kynntur til sögunnar sem nýr þjálfari danska handknattleiksliðsins Aalborg Håndbold í dag. Félagið hefur boðað til blaðamannafundar í Gigantium-íþróttahöllinni í Álaborg á hádegi í dag. Í síðustu viku tilkynnti Stefan Madsen þjálfari Aalborg til síðustu sex ára að hann ætlaði að stíga frá borði í sumar.
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -