- Auglýsing -
- Auglýsing -
- Auglýsing -

Molakaffi: Viktor, Dagur, Róbert, Örn

Viktor Gísli Hallgrímsson markvörður Nantes og íslenska landsliðsins. Mynd/Hafliði Breiðfjörð
- Auglýsing -
  • Viktor Gísli Hallgrímsson er ennþá fjarverandi vegna meiðsla og var þar af leiðandi ekki með Nantes í gær þegar liðið vann Toulouse, 40:30,  á heimavelli í 21. umferð frönsku 1. deildarinnar í handknattleik í gær. Nantes er í öðru sæti deildarinnar með 36 stig, fimm stigum á eftir PSG sem trónir á toppnum sem fyrr. Montpellier í þriðja sæti með 33 stig. Toulouse er þar á eftir með 28 stig. 
  • Dagur Gautason var næst markahæstur hjá ØIF Arendal með átta mörk í 12 marka sigri liðsins á heimavelli þegar liðsmenn Viking TIF frá Bergen komu í heimsókn, 40:28. Fyrrverandi samherji Dags hjá KA, Nicholas Satchwell markvörður, var ekki með Viking TIF en liðið rekur lestina í deildinni með fimm stig. Dagur og félagar eru á hinn bóginn í þriðja sæti þegar tvær umferðir eru eftir. 
  • Drammen er í fjórða sæti, þremur stigum á eftir Arendal. Drammen vann Bækkelaget, 31:28, í Ekeberghallen í Ósló. Róbert Sigurðarson stóð að vanda í ströngu í vörn Drammen. Hinn hálf íslenski Viktor Petersen Norberg kunni vel við sig á fjölum Ekeberghallarinnar og skoraði átta sinnum. 
  • Örn Vésteinsson Östenberg og liðsfélagar í VfL Lübeck-Schwartau unnu TV Großwallstadt, 32:26, á heimavelli í gær í 2. deild þýska handknattleiksins. Örn var ekki á meðal þeirra sem skoruðu í leiknum. VfL Lübeck-Schwartau siglir lygnan sjó í 9. sæti deildarinnar með 25 stig eftir 25 leiki, 18 stigum á eftir Potsdam sem er efst.
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -