- Auglýsing -
- Auglýsing -
- Auglýsing -

Molakaffi: Vináttuleikir, Babić, Jönsson, Mathe

Mynd/Hafliði Breiðfjörð
- Auglýsing -
  • Þess er nú freistað að tryggja íslenska karlalandsliðinu í handknattleik tvo vináttulandsleiki upp úr miðjum mars þegar alþjóðleg vika landsliða stendur yfir. Vonir standa til þess að hægt verði að leika hér á landi en ef ekki mun landsliðið koma saman á meginlandi Evrópu og leika í tvígang. Talið er nauðsynlegt að nýta möguleikann sem gefst í mars til leikja og koma sem fyrst saman aftur eftir Evrópumótið í síðasta mánuði. 
  • Željko Babić fyrrverandi landsliðsþjálfari Króata í handknattleik karla tekur við þjálfun gríska handknattleiksliðsins Olympiakos í vikunni. Þrátt fyrir að Olympiakos sé efst og taplaust í grísku 1. deildinni telja forsvarsmenn liðsins rétt að skipta um mann í brúnni. Nikos Gramatikos var látinn taka pokann sinn um helgina. Babić fær alvöru verkefni strax í fyrsta leiknum með Olympiakos því um næstu helgi mætir liðið höfuð andstæðingi sínum AEK
  • Sænski handknattleiksmaðurinn Alfred Jönsson hefur samið við danska úrvalsdeildarliðið Ribe-Esbjerg frá og með næstu leiktíð. Jönsson getur leikið sem miðjumaður og skytta vinstra megin. Hann er langt kominn með sitt þriðja tímabil hjá Skjern en hann var þar áður hjá Hannover-Burgdorf í Þýskalandi. Jönsson hefur einnig af og til átt sæti í sænska landsliðinu.  Tveir íslenskir handknattleiksmenn verða samherjar Jönsson hjá Ribe-Esbjerg, Ágúst Elí Björgvinsson og Elvar Ásgeirsson
  • Ekki er slegið slöku við í dönsku úrvalsdeildinni í handknattleik fremur en í öðru deildum evrópsks handknattleiks um þessar mundir. Ribe-Esbjerg tekur á móti Bjerringbro/Silkeborg á heimavelli í kvöld. 
  • Ungverski landsliðsmaðurinn Dominik Mathe leikur ekki með pólska meistaraliðinu Kielce næstu mánuði eftir að hafa orðið fyrir alvarlegum meiðslum á hné í leik með ungverska landsliðinu á Evrópumótinu í Þýskalandi.
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -