Myndir: Íslendingar að vanda fjölmennir á Partille Cup

Hið árlega og sívinsæla handknattleiksmót barna- og unglinga, Partille Cup í Svíþjóð, hófst á mánudaginn og lýkur á morgun.

Að vanda eru Íslendingar duglegir að sækja mótið. Alls eru 25 íslensk lið skráð til leiks, aðeins Svíar, Danir, Norðmenn og Þjóðverjar eru fleiri á meðal þátttakenda.

Alls var 1.191 lið skráð til leiks frá 34 löndum. Leikir mótsins verða nærri 4.100 áður en hver heldur til síns heima.

Guðmundur Svansson ljósmyndari í Svíþjóð er að vanda við störf á mótinu við að mynda keppendur og aðra þá sem að mótinu koma. Guðmundur var svo vinsamlegur að senda handbolta.is nokkrar myndir af Íslendingum sem eru á meðal þátttakenda.

Syrpa með nokkrum myndum er hér fyrir neðan. Smellið á myndirnar til þess að sjá þær stærri.