“Við náðum góðu áhlaupi í fyrri hálfleik, vörnin var öflug og Björgvin Páll frábær,” sagði Óskar Bjarni Óskarsson þjálfari Vals eftir stórsigur á Fram, 41:23, í fyrsta leik liðanna í átta liða úrslitum Olísdeildar karla í handknattleik í N1-höll Valsara í kvöld.
Valsarar gerðu út um leikinn strax í fyrri hálfleik gegn vængbrotnu liði Framara sem fljótlega missti móðinn en 11 marka munur var að loknum fyrri hálfleik. Ég var ánægður að vera með þetta forskot í hálfleik sem varð til þess að síðari hálfleikurinn var Fram erfður,” sagði Óskar Bjarni sem er með báða fætur á jörðinni fyrir næsta leik liðanna í Lambhagahöllinni á laugardaginn klukkan 14.
Hér fyrir neðan er lengra myndskeiðsviðtal við Óskar Bjarna en handbolti.is er að þreifa sig áfram í tækninni. Hlustendur og áhorfendur eru beðnir velvirðingar á ákveðnum byrjunarörðugleikum, ekki síst í myndatöku.
