„Við vorum klárir frá byrjun og voru tilbúnir að hlaupa með þeim,“ sagði hinn ungi og efnilegi handknattleiksmaður KA, Dagur Árni Heimisson í samtali við samfélagsmiðla KA eftir að KA lagði Val, 34:29, í næst síðustu umferð Olísdeildar karla í handknattleik í KA-heimilinu í kvöld. Með sigrinum innsiglaði KA-liðið sér þátttökurétt í úrslitakeppninni um Íslandsmeistaratitilinn. Um leið var um að ræða þriðja sigur KA í síðustu fjórum viðureignum í deildinni.
Spurður hvort þetta hafi verið besti leikur KA í vetur sagði Dagur Árni af yfirvegun að um hafi verið að ræða einn af þeim betri. „Útileikur við þá var einnig mjög góður.“ Þá viðureign vann KA einnig.
Ólafur Gústafsson fékk rautt spjald snemma leiks. Áfallið varð síður en svo til þess að Dagur Árni og félagar legði árar í bát. „Óli kveikti bara í þessu. Hann var mjög flottur,“ svaraði Dagur Árni.
Sjá einnig: FH er deildarmeistari – Víkingur og Selfoss fallin
Nánar er hægt að horfa og hlusta á viðtalið við Dag Árna hér fyrir neðan.
Ennþá neðar er að finna sameiginlegt viðtal við góðvinina Einar Rafn Eiðsson, leikmann KA, og Magnús Óla Magnússon leikmann Vals sem einnig er fengið af samfélagsmiðlum KA.
Handbolti.is þakkar KA fyrir afnot af viðtölum kvöldsins.
Dagur Árni eftir 5 marka sigur í kvöld í sturlaðri stemmingu í KA heimilinu @handkastid @handboltiis @valurhandbolti pic.twitter.com/8Qby61WUnK
— KA (@KAakureyri) April 2, 2024
Staðan í Olísdeild karla og næstu leikir.
Góðvinirnir Magnús Óli og Einar Rafn í sameiginlegu viðtali eftir leik @handkastid @handboltiis @valurhandbolti pic.twitter.com/MVVin6zVD8
— KA (@KAakureyri) April 2, 2024
