- Auglýsing -
- Auglýsing -
- Auglýsing -

Náðum að tengja saman tvo sigurleiki

Ásgeir Örn Hallgrímsson þjálfari Hauka. Mynd/Kristján Orri Jóhannsson
- Auglýsing -

„Ég er ánægður með stigin þótt þetta hafi ekki verið fallegasti handboltaleikur sem ég hef séð. Við erum líka ánægðir með að ná að tengja saman tvo sigra. Það er ákveðinn áfangi fyrir okkur,“ sagði Ásgeir Örn Hallgrímsson þjálfari Hauka í samtali við handbolta.is á Ásvöllum í kvöld eftir sigur á Víkingi, 28:22, í 15. umferð Olísdeildar karla í handknattleik.

„Við erum í þeirri stöðu að vera þakklátir fyrir hvert stig og hvern sigur,“ sagði Ásgeir Örn sem væntir þess að hans lið sé að komast inn á sporið eftir misjafnt gengi lengi vel fyrir áramótinu.

Ég er sannfærður um að við erum að ná okkur á strik. Við höfum lagt á okkur að vinna okkur út úr þeim vanda sem við vorum komnir í. Nú höfum við unnið tvo leiki í röð en við ætlum okkur mikið meira en það að vinna einhverja tvo leiki. Markmiðið er að halda áfram að klífa upp stöðutöfluna með fleiri sigurleikjum. Það er klárt mál,“ sagði Ásgeir Örn Hallgrímsson þjálfari Hauka í samtali við handbolta.is.

Guðmundur meiddur – Úlfur mætti á ný

Guðmundur Bragi Ástþórsson lék ekki með Haukum gegn Víkingi í kvöld vegna lítilsháttar meiðsla að sögn Ásgeirs Arnar. Á móti kom að Úlfur Gunnar Kjartansson lék með Haukum á nýjan leik eftir að hafa tekið út þriggja leikja bann.

Tengt efni:

Staðan og næstu leikir í Olísdeildum.

Áttum að halda betur plani

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -