Á fimmtudaginn útskrifuðust 19 þjálfarar hér á landi með EHF Master Coach gráðu sem er æðsta gráða í alþjóðlegum handbolta. Þetta var í annað sinn sem námskeiðið er haldið á Íslandi í samstarfi HSÍ, HR og EHF. Fyrra námskeiðinu lauk síðla árs 2019.
Samtals hafa 42 þjálfarar lokið EHF Master Coach gráðunni frá því að HSÍ bauð fyrst upp á námskeiðið hér á landi.
„HSÍ vill þakka HR og EHF fyrir samstarfið í kringum Master Coach gráðuna, námið hófst í byrjun árs 2022,“ segir í tilkynningu frá HSÍ um leið og hinum nýútskrifuðu er óskað til hamingju.
Þjálfararnir 19 eru:
Aðalsteinn Eyjólfsson.
Andri Snær Stefánsson.
Anton Rúnarsson.
Arnór Atlason.
Arnór Þór Gunnarsson.
Ásbjörn Friðriksson.
Björgvin Páll Gústavsson.
Einar Jónsson.
Guðjón Valur Sigurðsson.
Hannes Jón Jónsson.
Haraldur Þorvarðarson.
Heimir Örn Árnason.
Jón Brynjar Björnsson.
Kári Kristján Kristjánsson.
Rakel Dögg Bragadóttir.
Rúnar Kárason.
Snorri Steinn Guðjónsson.
Örn Þrastarson.
Ólafur Stefánsson.
