- Auglýsing -
- Auglýsing -
- Auglýsing -

Nýliðarnir framlengja samning sinn við Katrínu Önnu

Katrín Anna Ásmundsdóttir hornakonan efnilega hjá Gróttu. Mynd/Grótta
- Auglýsing -

Hægri hornakonan Katrín Anna Ásmundsdóttir hefur framlengt samning sinn við nýliða Olísdeildar og uppeldisfélag sitt, Gróttu. Samningurinn gildir til næstu tveggja ára, eða til ársins 2026. Katrín Anna, sem stendur á tvítugu, á 98 leiki að baki fyrir meistaraflokk félagsins og var mikilvægur hlekkur liðsins sem lagði Aftureldingu í umspili um sæti í Olísdeildinni í síðasta mánuði. Hún var í gær valin efnilegasti leikmaður Grill 66-deildar á síðasta tímabili í uppskeruhófi HSÍ.

Auk þess að missa vart úr leik með Gróttu á undanförnum árum hefur Katrín Anna átt sæti í yngri landsliðum Íslands og leikið með á Evrópu- og heimsmeistaramótum. Hún er t.d. nýlega farin af landi brott með U20 ára landsliðinu sem hefur keppni á heimsmeistaramótinu í Norður Makedóníu í næstu viku.

Á vordögum var Katrín Anna kölluð inn til æfinga með A-landsliðinu fyrir leiki í undankeppni EM.

„Það eru gríðarleg ánægja með að Katrín Anna verði áfram í herbúðum Gróttu næstu árin enda liðið komið meðal bestu liða landsins í Olísdeild kvenna,“ segir í tilkynningu Gróttu.

Sjá einnig:

Olísdeildir.

Grill 66-deildir.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -