Nýliði heimsmeistaranna í úrvalsliði HM

Þrefaldir heimsmeistarar Dana eiga tvo leikmenn í úrvalsliði heimsmeistaramótsins í handknattleik. Annarsvegar Mathias Gidsel sem valinn var mikilvægasti eða besti leikmaður mótsins og hinsvegar hinn 22 ára gamli Simon Pytlick sem valinn var besta vinstri skytta mótsins. Pyltick var að taka þátt í sínu fyrsta stórmóti og skoraði m.a. níu mörk í úrslitaleiknum við Frakka í gær.

Gidsel skoraði einnig flest mörk á HM 2023. Sjá hér.

Þjóðverjinn Juri Knorr var valinn efnilegasti leikmaður mótsins og félagi hans Andreas Wolff þótti skara framúr markvörðum mótsins. Wolff var með 37% markvörslu í mótinu, varði 112 skot af 305 sem á mark hans kom.

Hér fyrir neðan getur að líta úrvalslið HM karla í handknattleik 2023.