Óli Mittún lék við hvern sinn fingur þegar U21 árs landslið Færeyinga vann landslið Norður Makedóníu, 33:28, í síðari leik dagsins í F-riðli heimsmeistaramóts 21 árs landsliða sem hófst í Póllandi í morgun. Færeyingar og Norður Makedóníumenn eru með Íslendingum og Rúmenum í riðli sem leikinn er í Katowice. Íslenska landsliðið mætir Óla og félögum í annarri umferð riðlakeppninnar á morgun.
Óli skoraði 15 mörk í 18 skotum auk þess að gefa níu stoðsendingar. Þrjú marka sinna skoraði Óli úr vítaköstum. Hann skoraði 10 mörk í fyrri hálfleik úr 12 skotum.
Færeyingar voru með yfirhöndina í leiknum frá byrjun til enda og voru m.a. marki yfir í hálfleik, 16:15.
Færeyingar og Rúmenar hafa þar með tvö stig í riðlinum, Íslendingar og Norður Makedóníumenn eru án stiga.
Eftir tap fyrir Rúmeníu í morgun má íslenska liðið vart við öðru tapi á morgun ætli það sér að leika um efstu sæti sextán.
HM21-2025: riðlakeppni, úrslit og staðan
