Leikmenn Gróttu unnu öruggan sigur á Víkingi í fyrstu viðureign liðanna í undanúrslitum umspils Olísdeildar kvenna í handknattleik í kvöld, 28:21, eftir að hafa verið níu mörkum yfir að loknum fyrri hálfleik, 16:7. Leikið var í Hertzhöllinni á Seltjarnarnesi.
Liðin mætast á ný í Safamýri á sunnudaginn klukkan 16 og verða leikmenn Víkings að vinna til þess að knýja fram oddaleik á næsta miðvikudagin.
Grótta byrjaði viðureignina af miklum krafti með þremur fyrstu mörkunum og fimm af fyrstu sex. Segja má að tónninn hafi þar með verið sleginn. Yfirburðir Gróttu liðsins voru afar miklir og spennan talsverð í Víkingsliðinu sem kom niður á leik þess.
Mörk Gróttu: Karlotta Óskarsdóttir 5, Katrín Anna Ásmundsdóttir 5, Rut Bernódusdóttir 5, Daðey Ásta Hálfdánsdóttir 3, Katrín S. Thorsteinsson 3, Katrín Helga Sigurbergsdóttir 2, Sara Björg Davíðsdóttir 2, Ólöf María Stefánsdóttir 1, Hrafnhildur Hekla Grímsdóttir 1, Ída Margrét Stefánsdóttir 1.
Varin skot: Soffía Steingrímsdóttir 13, Anna Karólína Ingadóttir 1.
Mörk Víkings: Ída Bjarklind Magnúsdóttir 9, Arna Þyrí Ólafsdóttir 3, Áróra Eir Pálsdóttir 3, Jóna Sigríður Halldórsdóttir 3, Díana Ágústsdóttir 2, Auður Brynja Sölvadóttir 1.
Varin skot: Signý Pála Pálsdóttir 9.
Sjá einnig:
Þrettán marka sigur í Mosfellsbæ
Umspil Olís kvenna: leikjadagskrá og úrslit
Umspil Olís karla: leikjadagskrá og úrslit
Olís kvenna: Úrslitakeppni, leikjadagskrá
Olís karla: Leikjadagskrá, úrslitakeppni
