- Auglýsing -

Tillögur sóttvarnalæknis ganga ekki langt

Mynd/ J.L.Long

„Tillögurnar mínar eru kannski vægari en margir hefðu vonast til en það verður að koma í ljós,“ sagði Þórólfur Guðnason, sóttvarnalæknir á blaðamannafundi Almannavarna fyrir hádegið í dag. Fram kom á fundinum að sóttvarnalæknir hefur skilað inn minnisblaði til heilbrigðisráðherra um tilslakanir á sóttvörnum eftir að núverandi reglur renna út 18. nóvember.


Í núverandi reglum er m.a. kveðið á um að æfingar og keppni í íþróttum séu óheimilar. Þórólfur vildi ekki fara nánar út í á þessu stigi í hverju tilslakanir hans væri fólgnar að öðru leyti en því að þær næði e.t.v. ekki eins langt og „margir hefðu vonast til.“


Fólk innan handknattleikshreyfingarinnar sem handbolti.is hefur heyrt í undanfarna daga virðist frekar búa sig undir að litlar eða engar tilslakanir verði gerðar vegna æfinga innandyra í minnisblaði sóttvarnalæknis, alltént ekki fyrstu vikuna. Margir lesa þannig í orð sóttvarnalæknis undanfarna daga að hann vilji kæfa einn meira niður veirusmit áður en æfingar verði heimilaðar.

Ekki er ljóst hvort heilbrigðisráðherra birtir tillögur sína fyrir helgina eða um komandi helgi.

- Auglýsing -
- Auglýsing -

Nýjustu fréttir

- Auglýsing -