- Auglýsing -
- Auglýsing -
- Auglýsing -

Piltarnir eru farnir til Merzig

Leikmenn 18 ára landsliðsins í handknattleik við brottför frá Keflavíkurflugvelli í morgun. Mynd/HSÍ
- Auglýsing -

Piltarnir í 18 ára landsliðinu í handknattleik fóru í morgun til Þýskalands þar sem þeir hefja keppni á alþjóðlegu æfingamóti í Merzig á morgun. Átta lið taka þátt í mótinu og þeim skipt niður í tvo riðla. Íslenska liðið verður í riðli með landsliðum Belgíu og Þýskalands auk úrvalsliðs Saarlands sem er sambandslandið sem Merzig er í.


Fyrsti leikur íslenska liðsins á mótinu verður á morgun við úrvalslið Saarlands. Daginn eftir verður leikið við þýska landsliðið fyrir hádegið og belgíska landsliðið um kvöld. Ekki er leikinn fullur leiktími.

Föstudaginn 29. desember verður krossspil á milli riðla fyrri hluta dagsins og barist um sæti síðdegis og um kvöldið. U19 ára landsliðið hafnaði í öðru sæti á mótinu á síðasta ári.

A-riðill: Þýskaland, Saarland, Belgía, Ísland.
B-riðill: Ungverjaland, Sviss, Holland, Slóvenía.

Heimasíða mótsins.

Neðantaldir eru í hópnum sem fór til Þýskalands í morgun.

Markverðir:
Jens Sigurðarson, Val.
Óskar Þórarinsson, KA.
Aðrir leikmenn:
Antoine Óskar Pantano, Gróttu.
Ágúst Guðmundsson, HK.
Dagur Árni Heimisson, KA.
Dagur Leó Fannarsson, Val.
Daníel Montoro, Val.
Garðar Ingi Sindrason, FH.
Harri Halldórsson, Aftureldingu.
Hugi Elmarsson, KA.
Ingvar Dagur Gunnarsson, FH.
Jens Bragi Bergþórsson, KA.
Magnús Dagur Jónatansson, KA.
Marel Baldvinsson, Fram.
Nathan Doku Helgi Asare, ÍR.
Stefán Magni Hjartarson, Aftureldingu.

Heimir Ríkarðsson er þjálfari. Honum til halds og trausts verða Patrekur Jóhannesson og Magnús Kári Jónsson.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -