Eins og áhorfendur á leik HK og Selfoss í Olísdeild kvenna í dag tóku eftir var Sigurjón Friðbjörn Björnsson aðstoðarþjálfari HK ekki varamannabekknum eins og hans hefur verið von og vísa í leikjum liðsins í vetur.
Samkvæmt heimildum handbolta.is er ástæða fyrir fjarveru Sigurjóns Friðbjörns sú að hann tekur við þjálfun kvennaliðs Gróttu og verður kynntur til sögunnar á morgun eða á mánudaginn.
Grótta er án þjálfara eftir að Gunnar Gunnarsson sagði starfi sínu skyndilega lausu fyrir rúmri viku vegna mikilla anna á öðrum vettvangi. Síðan hafa forráðamenn Gróttu leitað logandi ljósi að þjálfara og mun Sigurjón Friðbjörn vera sá sem spjótin beinast að samkvæmt heimildum.
Grótta leikur í Grill 66-deild kvenna og er um þessar mundir í þriðja sæti, stigi á eftir Aftureldingu og ÍR sem eru efst með 17 stig.
Áður Sigurjón Friðbjörn kom til starfa hjá HK fyrir leiktíðina var hann í hálft annað ár annar tveggja þjálfara kvennaliðs Stjörnunnar.
