- Auglýsing -
„Við göngum sáttar frá okkar leik. Það skiptir öllu máli þegar upp er staðið hvernig sem upphafskaflinn var,“ sagði Hildigunnur Einarsdóttir leikmaður Vals eftir 13 marka sigur á ÍR, 35:22, í 11. umferð Olísdeildar kvenna í handknattleik í Skógarseli í dag.
ÍR byrjaði leikinn afar vel og var með fjögurra marka forskot eftir rúmlega 10 mínútur, 9:5. „Það þýddi ekkert fyrir okkur að fara í panik þótt byrjunin væri slæm. Við löguðum það sem betur mátti fara og þá náðum við tökum á leiknum,“ sagði Hildigunnur í samtali við handbolta.is að leikslokum.
„Hvernig sem leikirnir fara þá skipti mestu máli að við förum frá þeim sáttar,“ sagði Hildigunnur en hljóðupptöku af lengra viðtali er hægt að hlusta á hér fyrir neðan.
- Auglýsing -
